“Милтон” тўфони 10 октябрга ўтар кечаси АҚШнинг Флорида штати ғарбий соҳилига етиб келди, шундан сўнг шамол кучи бироз сусайди. Айни пайтда у соатига 165 километр тезликда эсмоқда. АҚШдаги Тўфонларни кузатиш миллий маркази уни иккинчи тоифага ўтказди.
Бироқ “Милтон” ҳали ҳам ҳалокатли тўфон бўлиб қолмоқда ва марказ прогнозига кўра, у Атлантика океанига чиқиб кетгунича шундай бўлиб қолади.
Аввалроқ табиий офат натижасида камида икки киши ҳалок бўлгани хабар қилинган.
The Tampa Bay Rays lost it%27s roof! pic.twitter.com/LagBxcXDIW
— Mike%27s Weather Page (@tropicalupdate) October 10, 2024
Ҳозирда тўфон Флориданинг шарқий соҳили томон ҳаракатламоқда. Унинг Лейкленд, Киссимми ва Орландо шаҳарлари ҳамда Канаверал бурнидан ўтиши кутилмоқда
АҚШ Фавқулодда вазиятлар федерал агентлиги Динн Крисвелл Флорида аҳолисини бошпаналарини тарк этиш ҳаракатларидан огоҳлантириб, “Милтон” ҳали ҳам ҳалокатли кучга эга эканини таъкидлаган.
Video taken by Kerrisa Taylor shows the storm damage in Vero Beach, Florida. Hurricane Milton made landfall near Siesta Key as a Category 3 storm. It has lashed the state with powerful winds, deadly storm surge and potential flooding. https://t.co/muz7hcKd53 pic.twitter.com/AtnWPq5HX0
— ABC7 Eyewitness News (@ABC7) October 10, 2024
Тўфон яқинлашиши арафасида Флоридада яшовчи беш миллиондан зиёд одамга мажбурий ёки тавсиявий эвакуация ҳақида хабарлар йўлланган. Табиий офат ҳудудидан икки миллионга яқин одам кўчирилган. Бу штат тарихида энг катта эвакуация бўлган.
Florida Troopers rescued a dog that was tied to a fence in Hurricane Milton’s path. Thankfully this pup is in safe hands now and has already been to the vet. pic.twitter.com/Qk5ns25p4V
— Yashar Ali 🐘 (@yashar) October 9, 2024
Ўнинчи октябрь тонгида “Милтон” туфайли 1 миллиондан кўпроқ одам электрсиз қолган, дея хабар қилди Associated Press агентлиги коммунал ҳисоб тизими маълумотига таянган ҳолда.
Кеча оқшом АҚШ президенти Жо Байден флоридалик қатор мулозимлар билан телефон орқали мулоқот қилиб, агар тўфон оқибатларини бартараф қилиш бўйича қўшимча ёрдам керак бўлса, унга тўғридан-тўғри қўнғироқ қилишни сўраган. Шунингдек, Байден флоридаликларни хавфсизлик талабларига риоя қилишга чақирган. “Бу том маънода ҳаёт-мамот масаласи”, дея билдирган у.
Аввалроқ АҚШ президенти Флоридага яқинлашаётган тўфон туфайли Германияга сафарини кечиктирган. Байден Германияда “Рамштайн” форматида Украина бўйича мулоқот гуруҳи учрашувида иштирок этиши керак эди.
Мавзуга алоқадор
АҚШ: Кучли довул туфайли Байден Германияга сафарини қолдирди“Милтон” жорий йилда Флорида ҳудудига ёпирилган тўфонларнинг учинчисидир. Тўфон мавсумида бунақа ҳолат аввал фақат беш марта кузатилган бўлиб, уларнинг сўнггилари 2004 ва 2005 йилларда содир бўлган.
Сентябрь ойи охирида Флорида ва яна бошқа бир неча штатда кузатилган “Ҳелен” тўфони натижасида камида 230 киши ҳалок бўлган, соҳилбўйи ҳудудларини сув босган, автойўллар ва уйлар вайрон бўлган, дарахтлар қулаган, икки миллиондан зиёд истеъмолчи электрсиз қолган эди.
“Милтон” ва “Ҳелен” сингари тўфонлар иқлим ўзгариши туфайли шиддатлироқ бўлиб бормоқда: улар йилдан йилга илиб бораётган океан сувлари билан тўйиниб боряпти, ҳароратнинг илиқлиги эса уларга намни кўпроқ ушлаб туриш имконини бермоқда.