НАТО раҳбари Йенс Столтенберг 19 февраль куни Россия ташқи ишлар вазири Сергей Лавровга мактуб йўллаб, Украинадаги можаронинг олдини олиш учун Россия-НАТО кенгаши доирасида мулоқот бошлашни сўраганини айтди.
Столтенберг Мюнхен хавфсизлик анжуманида Россия-Украина чегарасида кескинликни пасайтириш белгилари йўқлигини ва можаро хавфи ҳақиқатда юқори эканлигини таъкидлади.
Бир кун аввал АҚШ Давлат департаменти матбуот котиби Андреа Калан “Current Time” нашрида Давлат котиби Энтони Блинкен келаси ҳафта охирида Россия ташқи ишлар вазири Сергей Лавров билан учрашишини маълум қилган эди.
“Аммо Украинага босқин бўлмаса, бу учрашув бўлади”, деди Калан.
Энтони Блинкен ҳозир Мюнхенда, дунёнинг ўттиздан ортиқ давлати вакиллари – у ерда хавфсизлик бўйича анжуманда қатнашмоқда.
23 йил ичида биринчи марта Россия вакиллари унда иштирок этмаяпти.