Россияда мухолифатчи Алексей Навальнийнинг тарафдорлари ҳамда “Оммабоп сиёсат” (“Популярная политика”) шоуси олиб борувчилари армия тўғрисидаги “фейк” тарқатганлик ва террорчиликни оқлаганликда айбланишмоқда. Бу ҳақда Коррупцияга қарши кураш фонди томонидан тузилган “Сирена” телеграм-канали маълумот тарқатди.
Россия Тергов қўмитаси Иван Жданов, Марии Певчих, Леонид Волков, Кира Ярмиш, Руслан Шаведдинов, Любовь Соболь, Анна Бирюкова ва Дмитрий Низовцевнинг чиқишлари ва постлар бўйича лингвистик экспертизалар тайинлаган. Бу одамларнинг барчаси Россияни аллақачон тарк этишган.
Бу YouTube-канали олиб борувчиларига қарши оммавий равишда очилган илк иш экани айтилмоқда.
Навальнийнинг ўзи айни пайтда Владимир вилоятидаги 6-колонияда қамоқ жазосини ўтамоқда.