Никки Хейли АҚШ пойтахти Вашингтонда ўтказилган Респуьликачилар партияси праймеризида 62,9 фоиз овоз олди. Унинг ягона рақиби Дональд Трампга 33,2 фоиз овоз берилди.
Хейли командасининг билдиришича, бу АҚШ тарихида Республикачилар партияси праймеризида аёл киши қўлга киритган илк ғалабадир.
Бундан аввал ўтказилган саккизта праймеризда ғалаба Дональд Трамп томонида бўлганди. Reuters республикачилар ўртасида ўтказилган ижтимоий сўровга таянган ҳолда, қолган праймеризларда ҳам Трамп ғолиб бўлиши кутилаётгани тўғрисида ёзди.
5 март куни АҚШда Суперсешанба бўлиб ўтади. Бу куни Демократик ва Республикачилар партияларининг праймеризлари АҚШнинг 15 та штатида ўтказилади.
Никки Хейли Вашингтондаги праймеризда ғолиб чиқди
Бу АҚШ тарихида Республикачилар партияси праймеризида аёл киши қўлга киритган илк ғалабадир.