Markaziy bank e’lon qilgan joriy yil 9 oyi davomida aholiga ajratilgan ipoteka kreditlari bo‘yicha statistika ana shundan dalolat beradi.
Yanvar-sentyabr oylarida ipoteka krediti hajmi 2023-yilning shu davriga nisbatan 4,1 foizga, oluvchilar soni esa qariyb 20 foizga kamaygan.
9 oy davomida jami 11,73 trln so‘mlik ipoteka kreditlari ajratilgan. Bu 2023-yilning ushbu davriga nisbatan 4,1 foizga (490,3 mlrd so‘m) kamdir.
“Gazeta.uz” nashrining yozishicha, ko‘rsatkichning pasayishi barcha manbalar, jumladan, Iqtisodiyot va moliya vazirligi (-189,8 mlrd so‘m), banklarning o‘z mablag‘lari (-222 mlrd so‘m) va Ipotekani qayta moliyalashtirish kompaniyasi (-78,5 mlrd so‘m) hisobidan moliyalashtirishni qisqartirish hisobiga yuz bergan.
Браузерингиз HTML5 ни қўллаб- қувватламайди
Сўров: Нарх-наво сизга қандай таъсир қилмоқда?
Turarjoyning asosiy bozorlari hisoblangan Toshkent shahrida ipoteka krediti hajmi sezilarli darajada qisqargan. Poytaxtda berilgan bu turdagi kreditlar 3,76 trln so‘mdan 3,5 trln so‘mgacha (-6 foiz) tushgan.
Avvalroq Iqtisodiy tadqiqotlar va islohotlar markazi ham O‘zbekiston ko‘chmas mulk bozorida pasayish tendensiyasi kuzatilayotganini ma’lum qilgandi.
Markaz tahliliga ko‘ra, sentyabr oyida ro‘yxatga olingan ko‘chmas mulk oldi-sotdi bitimlari soni avgust oyiga nisbatan 4,2 foizga kamayib, 21,2 mingtani tashkil etgan.