Жорий йилнинг январь-октябрь ойларида Ўзбекистон саккизта хорижий давлатга қиймати 11,5 миллион АҚШ долларига тенг бўлган 714 та юк автомобили экспорт қилган. Бу миқдор ўтган йилнинг шу даврига нисбатан 37 тага камдир.
Давлат статистика қўмитаси қайдича, Ўзбекистонда ишлаб чиқарилган юк автомобиллари энг кўп қўшни Қозоғистонга (505 та ёки 70 фоиздан кўпроқ) сотилган. Юк машиналари импортёрлари орасида Қирғизистон (84 та), Сингапур (71 та), Афғонистон (29 та) ва бошқа мамлакатлар бор.
Маълумотларга кўра, 2021 йилнинг 10 ойи давомида Ўзбекистонда жами 3257 дона юк автомобили ишлаб чиқарилган. Бу ўтган йилнинг шу даврига нисбатан ҳам 1,5 фоизга камдир.
Коронавирус пандемияси авжига чиққан 2020 йилнинг январь-октябрь ойларида ҳам мамлакатда 3306 дона юк автомобили ишлаб чиқарилган. 2019 йилнинг бу даврида эса мазкур кўрсаткич 4440 тага тенг эди.