Осиё кубогининг нимчорак баҳслари доирасида 30 январь куни Ўзбекистон миллий жамоаси таиландлик футболчиларга қарши майдонга тушишди.
Қатардаги “Ал-Жануб” стадионида бўлиб ўтган ўйин 2:1 ҳисобида ўзбекистонликлар фойдасига якунланди.
Ўйиндаги илк голни 37-дақиқада Ўзбекистон миллий жамоаси аъзоси Азизбек Турғунбоев киритди.
Ўйиннинг 58-дақиқасида таиландлик Сарачат Супачок ўзбекистонликлар дарвозасини ишғол қилиб, ҳисобни тенглаштирди — 1:1.
Аббосбек Файзуллаев томонидан 65-дақиқада киритилган гол эса ўзбекистонликларни яна олдинга олиб чиқди (2:1) ва шундан сўнг ҳисоб ўзгармай қолди.
Шу тариқа Ўзбекистон жамоаси Осиё кубогининг чорак финалида ўйнаш имкониятини қўлга киритишди. Чорак финалда ўзбекистонлик футболчилар Қатар миллий жамоаси вакиллари билан учрашишади.