Польша пойтахти Варшавада Ўзбекистонда туғилган йигит Украинадан бўлган ўсмирларга пичоқ билан ҳужум қилган.
Wyborcza нашри хабарига кўра, ҳодиса Варшавадаги ўрмон-парк ҳудудида рўй берган. Қайд этилишича, 26 ёшли гумонланувчи ҳужум чоғида украиналик 15 яшар ўсмирларга шикаст етказган.
Исми ошкор қилинмаётган гумонланувчи томонидан қўллари ва қорнидан яраланган икки ўсмир касалхонага етказилган. Бу ҳақда нашрга маълум қилган маҳаллий полициячи айни пайтда уларнинг аҳволи қандайлиги хусусида маълумотга эга эмаслигини билдирган.
Ҳуқуқ-тартибот идоралари ходимлари ҳужумчини ҳибсга олишган. Айни пайтда ҳодиса тафсилотлари ўрганилмоқда.