Россия президенти Владимир Путин 10 октябрь куни мамлакат Хавфсизлик кенгашида қилган чиқишида Украинани “Турк оқими” газ қувурини портлатишга уринганликда айблаб чиқди. Путинга иддаосича, Киев “террор усуллари”дан фойдаланмоқда.
Россия президенти ўз қўшинлари томонидан душанба куни Украина шаҳарларига отилган ракеталарни “энергетика, ҳарбий бошқарув ва алоқа объектларига берилган ёппа зарбалар” дея таърифлаган. “Бу зарбалар Мудофаа вазирлиги таклифига кўра ва Бош штаб режаси бўйича берилган”, деди Путин.
Путин қайдича, Украина томонидан Россия ҳудудида терактлар давом эттирилган тақдирда Москванинг жавоби жуда кескин бўлади.