Россия президенти Владимир Путин коронавирусга қарши “Спутник Лайт” вакцинаси билан қайта эмланганини маълум қилди. Бу ҳақда у “Спутник V” вакцинасининг асосий ишлаб чиқарувчиси бўлган Гамалей институти директори ўринбосари Денис Луговой билан якшанба куни ўтказган учрашуви чоғида гапирди.
Апрель ойида Кремль матбуот хизмати президент COVID-19 га қарши “Спутник V” вакцинаси билан эмланганини билдирган эди. Бироқ Путинни эмлаш жараёнига оид бирорта фотосурат ёки видео жамоатчиликка кўрсатилган эмас.
Сентябрь ойининг охирларида Путин атрофидагилардан кўпчилиги коронавирусга чалингани, аммо ўзи “Спутник V” билан эмлангани ортидан касаллик юқмаганини айтган.