Россия президенти Владимир Путин Туркиянинг “Байрактар” дронларини ишлаб чиқарувчи Baykar ширкати билан ҳамкорлик йўлларини изламоқда. Бу ҳақда Туркия президенти Ражаб Тоййиб Эрдўғон ўзи доҳил “Адолат ва тараққиёт партияси” қурултойида маълум қилди.
“Путин менга Baykar ширкати билан ҳамкорлик қилиш нияти борлигини айтди. У Россияда, ҳудди Бирлашган Араб Амирликларида бўлгани каби, завод очишни таклиф қилди”,-деди Эрдўғон.
5 август куни Сочида Туркия ва Россия президентларининг навбатдаги учрашуви режалаштирилган. Мазкур учрашувда “Байрактар” дронларини ҳамкорликда ишлаб чиқариш масаласи ҳам муҳокама қилиниши таҳмин этилмоқда.
Аввалроқ Baykar директори Ҳалуқ Байрактар CNN телеканалига берган интервьюсида ширкат Россияга дрон сотиш ниятида эмаслигини айтган эди.
Туркияда ишлаб чиқарилган “Байрактар” дронлари 2021 йилдан бери Украина армияси томонидан фойдаланиб келинади. Украина уруши бошланганидан сўнг Москва Туркия Киевга дронлар етказиб бераётганидан норозилик билдириб келмоқда. Натижада Туркия Киевга дрон сотишни махфийлаштирди.
Baykar ширкатининг ҳаммуассиси ва техник директори Селчук Байрактар Эрдўғоннинг куёвидир.
Путин “Байрактар” ишлаб чиқарувчиси билан ҳамкорлик йўлларини изламоқда
Bayraktar TB2 дрони.