Марказий Осиё давлатлари орасида эпидемияларга тайёрлик бўйича Ўзбекистон Қозоғистон ва Қирғизистондан кейинги учинчи ўринда қайд этилди.
Мазкур рейтинг Американинг Nuclear Threat Initiative нотижорат ташкилоти, Жон Хопкинс университети Саломатлик хавфсизлиги маркази ва Economist журнали томонидан тузилган.
195 та давлат киритилган рейтингда Ўзбекистон 82-ўринда қайд этилди. Қозоғистон 55-, Қирғизистон 68-, Туркманистон 119- ва Тожикистон 140-ўринни эгаллаган.
Эпидемияларга тайёрлик бўйича биринчи бешлик АҚШ, Австралия, Финландия, Канада, Таиланддан иборат. Энг охирги ўринлар Марказий Африка Республикаси, Тувалу, Ниуэ ороли, Венесуэла ва Жанубий Суданга насиб қилди.
Рейтинг мамлакатларнинг эпидемияларнинг олдини олиш ва аниқлаш салоҳияти, соғлиқни сақлаш органларининг тайёргарлик даражаси, шифохоналар ишининг сифати каби омиллардан келиб чиқиб тузилган.