Франция жанубидаги Антиб шаҳрида актёр, режиссёр ва диктор Юлиан Панич 92 ёшида вафот этди.
Украинанинг Зиновьевск шаҳрида туғилган Панич 1972 йилда оиласи билан Исроилга эмиграция қилганидан сўнг Озод Европа/Озодлик (RFE/RL) радиосига ишга таклиф қилинган эди.
У узоқ йиллар мобайнида Александр Виноградов таҳаллуси билан Озодлик радиоси рус хизмати бошловчиси бўлган. Собиқ СССР фуқаролари ўз давлатларида тақиқланган адабиётларни, жумладан, "Архипелаг ГУЛАГ" ва "Москва-Петушки"ни унинг овози билан эшитган.
Панич оиласи билан Исроилга кўчиб кетгунига қадар СССРда 15 та бадиий фильмда суратга тушган. У СССРда “Советлар давлати учун, “Турли тақдирлар”, “Степан Кольчугин”, “Яшил карета”, Уй сари йўл” фильмларида ижро этган роллари билан машҳур бўлган эди.