Россиядаги қурилиш ширкатлари тожикистонлик меҳнат муҳожирларини вайрон бўлган Мариуполь шаҳрини тиклаш ишларига йўллаяпти.
Озодликнинг тожик хизмати хабарига кўра, Мариуполга боришга рози бўлганларга 130 минг рублдан 250 минг рублгача маош тўлашни ваъда қилишган.
Катта ойликдан ташқари, мигрантларга ижтимоий пакет, яъни вақтинча тураржой ва уч маҳал овқат ваъдаси берилган.
Мигрантларнинг айримлари бу шартга кўнишган, баъзилари эса дайди ўққа нишон бўлишдан чўчиб, қурилиш ширкатлари таклифидан бош тортишган.