Роскомнадзор Озодлик радиоси арман хизматининг рус тилидаги сайтини блоклаб қўйди. Бу ҳақда “Роскомсвобода” лойиҳаси маълумот тарқатди. Унда айтилишича, қарор Бош прокуратура талабига кўра қабул қилинган. Кириш чеклови барча домен ва нимдоменларга нисбатан татбиқ этилади.
Қайд этилишича, назорат идораси қарорига асосан жами 12 та сайт ва ҳавола, хусусан, Финляндияга оид рус тили дохил қатор тилларда ёйинлар қилувчи Yle давлат телерадиоширкати сайти ҳам блокланмоқда.
Украинада уруш бошланганидан бери Роскомнадзор ўнлаб ОАВларнинг сайтларини, шунингдек Twitter, Facebook ва Instagram’ни блоклаб қўйган. Бундан ташқари, “Настояшчее время” телеканали, Озодликнинг рус хизмати, “Крим.Реалии” лойиҳаси, “Америка овози” радиоси рус хизмати, New Times журнали, “Тайга.инфо”, DOXA, “Эхо Москви”, “Дождь”, “Медуза”, BBC рус хизмати, Deutsche Welle ва бошқа ОАВлар сайтларига кириш чекланган.
28 май куни Роскомнадзор Озодлик радиосининг қозоқ, тожик ва туркман хизматлари сайтларини блоклаган эди.