Россиядаги юк машиналари ишлаб чиқарадиган “КАМАЗ” ширкати Ўзбекистондаги коллеж ва техникумларда ўз ўқув дастурларини йўлга қўяди, мазкур ўқув дастуридан ўтган ўзбекистонлик битирувчилар кейинчалик Россиядаги заводларга ишга кетиши мумкин.
Олий таълим, фан ва инновациялар вазирлиги ахборот хизмати қайдича, бунга оид лойиҳа вазир Иброҳим Абдураҳмонов билан “КАМАЗ” ширкати Инсон ресурсларини ривожлантириш департаменти директори Лениза Хикматуллина ўртасида Тошкентда бўлиб ўтган учрашувда муҳокама қилинган.
Маълумотларга кўра, айни пайтда “КАМАЗ”нинг Татаристондаги дастурларида 900 нафар ўзбекистонлик ўқияпти, ширкат заводларида эса Ўзбекистондан бўлган 1800 киши ишлаяпти.
Шунга қарамай, татаристонлик меҳмонлар учрашувда ширкатнинг бўёқчи, чиланган, пайвандчи, ҳайдовчи ва электрик каби касб эгаларига талаби катталигини урғулаганлар.