Ўзбекистонда 21 ва 23 апрель кунлари ижтимоий тармоқларда самосуд билан боғлиқ иккита шов-шувли видео тарқалди.
23 апрелда тарқатилган видеода икки нафар ҳижобли аёл бир аёлни кийимларини йиртиб, ялонғоч ҳолатга келтиргани, соч ва қошларини қириб самосуд қилгани акс этади. Видео муаллифнинг билдиришича, воқеа Сурхондарё вилоятида содир этилган.
Сурхондарё вилоят Ички ишлар бошқармаси бу воқеа Денов туманидаги “Боғишамол” маҳадлласида 2022 йил ноябрида содир этилгани аниқлангани тўғрисида расман билдирди. Расмий билдирувда таъкидланишича, бир гуруҳ аёллар бир миллион сўм қарзини бермаган бошқа бир аёлни шу тариқа самосуд қилишган.
Сурхондарё ИИБ мазкур ҳолат юзасидан жиноят иши очилганини ва тергов ҳаракатлари олиб борлаётганини маълум қилди.
21 апрелда тарқалган видеода эса Тошкент шаҳар Янгиҳаёт туманидаги 331-мактабнинг бир гуруҳ ўқувчи қизлари 8-синф ўқувчисини калтаклаётгани акс этган видео тарқалди.
Тошкент шаҳар ИИББнинг расман билдирилишича, мазкур ҳодиса 13 апрель куни содир этилгани аниқланган ва воқеа юзасидан жиноят иши очилган.
Мактаб расмийларининг айтишларича, самосудда 7-8-9-10-синф қизлари иштирок этган. Улар ўз назарларида гўёки “бир беҳаё суратда юқори синфда ўқувчи қиз тасвирланганини айтиб, мактабда миш-миш тарқатган” 8-синф ўқувчисининг “сини киритиб қўйиш”га ҳаракат қилишган.
Ўзбекистонда самосуд ҳолатлари тез-тез такрорланиб турадиган ҳодисига айланган.
Браузерингиз HTML5 ни қўллаб- қувватламайди
Калтак еган келин, муштумзўр она ва "самосуд"лар – ЮНИСЕФ Ўзбекистондаги вазиятдан ташвишда