Шри-Ланка президенти Готабая Раджапакса оммавий норозилик намойишлари ортидан мамлакатдан қочиб кетди. ВВСнинг билдиришича, 13 июль куни у самолётда Мальдивга келган. Шри-Ланкадаги оммавий норозилик намойишларида президентнинг истеъфоси талаб қилинаётган эди.
Бир неча кун олдин норозилар Коломбо шаҳридаги президент саройини босиб олган. Раджапакса ҳарбийлар ҳимояси остида қолаётган эди. Парламент спикери президент 13 июль куни истеъфо беришга рози бўлгани ҳақида билдирди. Бироқ президент истеъфо бермай мамлакатдан қочди.
Шри-Ланка Бош вазири Ранил Викремесингхе ўзини президент вазифасини бажарувчи деб эълон қилди ва мамлакатда фавқулодда ҳолат жорий этди. Аммо намойишчилар Бош вазирнинг ҳам истеъфога чиқишини талаб қилмоқда. Айрим хабарларда Коломбодаги ҳукумат уйи босиб олингани ҳам айтилмоқда.
Шри-Ланкада норозилик намойишлари мамлакат тарихида энг катта иқтисодий таназзул юз берагини ортидан бошланиб кетган эди.