Шри-Ланка президенти Готабая Ражапакса Мальдив оролларидан Сингапурга учиб борганидан кейин истеъфога кетганини билдирди. Бу ҳақда NDTV телеканали хабар қилди.
Ражапакса ўз истеъфоси ҳақидаги мактубни парламент спикери номига электрон почта орқали йўллаган.
Сингапур расмийлари Шри-Ланканинг собиқ президенти мамлакатга “шахсий ташриф” билан келгани ва бошпана бериш илтимоси билан мурожаат қилмаганини билдиришган.
Ражапаксанинг президент лавозимида бўлиб турган пайтида дахлсизлик мақомига эга бўлиб, уни ҳибсга олиш мумкин эмасди, у мазкур имтиёздан Шри-Ланкани тарк этиш учун фойдаланган ҳамда хорижга чиқиб кетганидан кейингина истеъфо берган.
Шри-Ланкада норозилик чиқишлари йил бошидан бери давом этиб келаётган эди. Бу чиқишлар ортидан Ражапаксанинг акси бўлган аввалги бош вазир истеъфога чиққан.
Апрель ойида Шри-Ланка оғир иқтисодий инқирозга дуч келган. Мамлакатда коронавирус пандемияси манзарасида сайёҳлар келмай қўйгани важидан юзага келган хорижий валюта етишмаслиги кузатилган. Бу орада Шри-Ланка ёғилғи сотиб олиш имконидан маҳрум бўлган.
Шу йил 13 июлида Готабая Раджапакса норозилик чиқишлари қабатида Мальдив оролларига қочиб кетгани маълум бўлган.