Сомалидаги «Ал Шабаб» қуролли гуруҳи БМТ вертолётини босиб олди. Вертолёт бортида экипаж аъзолари ва йўловчилардан иборат саккиз ёки тўққиз киши бўлгани айтилмоқда. Улар гаровга олингани тахмин қилинаётир.
Ал Жазиранинг хабар беришича, вертолёт учиб кетаётган пайтда техник носозлик юз берган. Вертолёт «Ал Шабаб» назорати остидаги ҳудудга қўнишга мажбур бўлган ва гуруҳ босқинига учраган. The Washington Рost радикаллар вертолётга ўт қўйганини, экипаж ва йўловчиларни гаровга олганини ёзди.
Сомали Қуролли кучлари расмий вакили майор Ҳасан Али вертолёт бортида икки сомалилик ва бир неча чет эллик бўлганини айтди. Унга кўра, вертолёт қуролли тўқнашувлар бўлаётган ҳудудлардан бирига дори-дармон олиб кетаётган эди.
БМТ ҳозирча вертолётнинг ўғирланиши юзасидан изоҳ бермади.
«Ал Шабаб» Сомалидаги радикал исломчилардан иборат гуруҳдир. Сомали ҳукуматига қарши урушаётган мазкур гуруҳ мамлакат маркази ва жанубидаги ҳудудларнинг бир қисмини назорат қилади.
Сомалида БМТ вертолёти радикал исломчилар томонидан босиб олинди
Иллюстратив сурат.