Тошкент шаҳрида иссиқ сув ва иссиқлик таъминоти учун тўловлар оширилади.
Халқ депутатлари Тошкент шаҳри кенгаши 12 сентябрь куни қабул қилган қарорда тўлов миқдори 15 фоизга ошиши белгилангани ҳолда, янги тариф қачондан кучга кириши аниқ кўрсатилмаган.
Янги тарифга биноан пойтахт аҳолиси иссиқлик ва иссиқ сув таъминоти хизматлари учун амалдаги 105754 сўм ўрнига 121617 сўм тўлайди.
Юридик шахслар, яъни ташкилотлар тарифи эса 212606 сўмдан 244497 сўмга қимматлайди.
Браузерингиз HTML5 ни қўллаб- қувватламайди
Янги Тошкент: "Олтин тупроқ" устига қурилаётган тош шаҳар
Бу иссиқ сув тарифининг жорий йилдаги иккинчи ошишидир. Тўловлар 2 апрелда ҳам кўтарилганди.
Тошкент шаҳрига иссиқлик ва иссиқ сув етказиш билан шуғулланувчи “Veolia Energy Tashkent” компаниясига кўра, истеъмолчилар базавий тарифнинг 14 фоизини тўлайди, қолгани эса шаҳар бюджетидан субсидия шаклида қопланади.
2024 йилда ушбу мақсадда пойтахт бюджетидан 1,97 триллион сўм йўналтириши режалаштирилган.