27-oktyabrda o‘tadigan Oliy Majlis Qonunchilik palatasi va mahalliy kengashlar deputatlar saylovi kuni Toshkent shahrida joylashgan ayrim saylov uchastkalarida elektron ovoz berish usuli qo‘llanadi.
Bu haqda Markaziy saylov komissiyasi matbuot xizmati ma’lum qildi.
“Gazeta.uz” nashrining aniqlik kiritishicha, mazkur tizim Toshkent shahri hududiy saylov komissiyasining tavsiyasiga asosan poytaxtdagi 16, 17, 18, 19, 20, 21, 22, 23, 24 va 25-saylov uchastkalarida joriy etiladi.
MSK matbuot xizmati ma’lum qilishicha, sinab ko‘rilishi rejalashtirilgan elektron ovoz berish qurilmalaridan 37 ta xorijiy davlatda (AQSH, Germaniya, Buyuk Britaniya, Italiya, Braziliya, Singapur, Avstraliya va boshqalar) foydalanilgan, ular orqali shu kunga qadar 6,5 milliarddan ortiq saylovchi ovoz bergan.
“Elektron ovoz berish tartibi ovoz berish va saylov natijalarini tezkor aniqlash, ovoz berish jarayonlarining qonuniyligini ta’minlash, saylov komissiyalarining ish hajmini maqbullashtirishga xizmat qiladi”, deyiladi rasmiy xabarnomada.
Браузерингиз HTML5 ни қўллаб- қувватламайди
Сайлов-2024: "Янгича", аммо мухолифатсиз сайлов
Qurilma saylov byulletenlarining elektron ko‘rinishlari bilan maxsus dasturlangan, monitor, qog‘ozni chop etuvchi va avtomatik tarzda kesuvchi printer, saylov qutisi va uni masofadan faollashtirish tugmasidan iborat. Undan foydalanish tartibi uchastka saylov komissiyasi a’zolari tomonidan tushuntiriladi.
Elektron ovoz berish sinovdan o‘tkaziladigan saylov uchastkalarida saylovchilar an’anaviy yoki elektron ovoz berishni mustaqil tanlash huquqiga ega.
Oliy Majlis Qonunchilik palatasi va mahalliy kengashlar deputatlar saylovi 27-oktyabrda o‘tkaziladi. Saylov kampaniyasiga 26-iyuldan rasman start berilgan.
MSK Liberal-demokratik partiya, “Milliy tiklanish”, Ekologik partiya, Xalq demokratik partiyasi va “Adolat” sotsial-demokratik partiyasiga saylovda qatnashishga ruxsat bergan.
Mamlakatda qonunchilik idorasi saylovi so‘nggi bor 2019-yil 22-dekabrda bo‘lib o‘tgan.