Венгрия Украинага Европа Иттифоқи ажратган навбатдаги 500 миллион евролик кўмакни блоклади. Мазкур ёрдам кейинги ҳафтада Украинага жўнатилиши лозим эди.
ANSA агентлигининг ўз манбасига таяниб хабар беришича, Будапешт Европа тинчлик жамғармаси ўз глобал мақомини сақлаб қолиши ва бундан буён фақат Украинани қуроллантириш учун пул ажаратадиган ташкилотга айланиб қолмаслиги кафолатланишини талаб қилмоқда.
Венгрия Европа Иттифоқидаги Россиянинг Украинага босқинини изчиллик билан қоралашдан бош тортиб келаётган кам сонли давлатлардан биридир. Бу давлат Россиянинг нефть ва газига қарамдир.
Венгрия вето қўйиш ҳуқуқига эга бўлган ҳолда Европа Иттифоқининг Украинага оид қарорларини бир неча марта блоклаб қўйган эди.
Европа тинчлик фонди ЕИга аъзо бўлган барча давлатларнинг аъзолик бадали ҳисобидан фаолият юритувчи ташкилотдир. Россия Украинага бостириб кирганидан бери Европа тинчлик фонди Киевга ҳарбий ва гуманитар мақсадлар учун бир неча марта маблағ ажратган.
