Украина президенти Владимир Зеленский 10 октябрь куни ракета зарбаларига тутилаётган Киев марказидаги кўчаларнинг биридан туриб ватандошларига мурожаат қилди. Зеленскийга кўра, “россиялик террорчилар”нинг бу ҳужумларда ҳадафи иккита – буларнинг биринчиси мамлакат бўйлаб фаолият кўрсатаётган энергообъектлар, иккинчиси эса одамлар.
“Бугун пана жойларда бўлиб туринг. Хавфсизликнинг барча тартиб-қоидаларига риоя қилинг”, дея огоҳлантирган Зеленский украиналикларни кучли бўлиш ва ваҳимага тушмасликка чақирди.