Ўзбекистонлик қатор академиклар, юристлар, сиёсатшунослар ва журналистлар академик Ҳабиб Абдуллаев хотираси қайта абадийлаштирлишини илтимос қилиб, Вазирлар Маҳкамасига мурожаат йўллади.
Браузерингиз HTML5 ни қўллаб- қувватламайди
Академиклар: Каримов даврида “унитилган” Ҳабиб Абдуллаев хотираси қайта тиклансин
“Ўзбекистондаги ўзгаришлар Ҳабиб Абдуллаев ҳақида китоб нашр этилишига сабаб бўлди”
Мазкур мурожаатни имзолаган 19 одам орасида таниқли академиклар Наим Каримов, Аҳмадали Асқаров, Ҳабибулла Акбаров, Турсунбой Рашидов, профессор Юсуф Абдуллаевлар ҳам бор.
Мурожаатда айтилишича, 25 май куни Алишер Навоий номидаги Миллий кутубхонада Ҳабиб Абдуллаев ҳаёти ва фаолияти акс этган “Буюкликка йўл” китобининг тақдимоти бўлиб ўтган.
“Тадбирда сўзлаганларнинг барчаси Ўзбекистон фан ва техникасининг йирик намоёндасига бағишланган китобнинг нашр этилиши бизнинг жамиятимизда бугунги кунда юз бераётган катта ўзгаришлар маҳсули бўлганини эътироф этдилар. Бу билан биз бой тарихимизга ҳурмат билдириб, ўз вақтида иқтисодиётимизнинг мустаҳкам пойдеворини яратган ватандошларимиз меҳнатларини муносиб баҳоламоқдамиз”, дейилади мурожаатда.
Шундан келиб чиққан ҳолда, мурожаатни имзолаганлар ҳукуматга Ҳабиб Абдуллаев хотирасини қайта абадийлаштириш таклифини киритганлар.
Ислом Каримов даврида Ҳабиб Абдуллаев хотираси абадийлаштирилди, кейин эса унутилди
Совет Иттифоқи парчаланиб, Ўзбекистон мустақил давлатга айланганидан бир йил ўтгач, яъни 1992 йилнинг кузида президент Ислом Каримов фармони билан Ҳабиб Абдуллаевнинг 80 йиллиги кўплаб хорижий олимлар иштирокида тантанали равишда нишонланган эди.
Ўшанда Ислом Каримов имзолаган қарорга асосан Ҳабиб Абдуллаев номидаги диплом ва олтин медаль, Ҳабиб Абдуллаев фонди жорий этилган эди. Тошкент метросининг бир бекатига, Мирзо Улуғбек туманидаги катта кўчага, мактабларга ҳамда Фанлар Академиясининг Геология вa геофизикa институтига Ҳабиб Абдуллаев номи берилган.
2008 йилда кўча, мактаб ва институтдан Ҳабиб Абдуллаев номи олиб ташланган эди. 2016 йилнинг июнида эса академик номига берилган метро бекати номи ҳам “Шаҳристон” деб ўзгартирилган.
Тошкентда май ойида қатор“унутилган номлар” қайта тикланди
Ўзбекистонда сўнгги пайтларда Ислом Каримов президентлиги даврида унутилган номлар ва шахслар қайта тикланмоқда.
Жумладан, Генерал Собир Раҳимов ҳайкали Тошкентдаги Ғафур Ғулом боғидан аввалги масканига - Олмазор туман ҳокимлиги биноси олдига қайтарилди.
“Истиқлол” санъат саройига¸ сарой олдидаги майдонга, “Бунёдкор” метро бекатига “Халқлар дўстлиги” номи қайтарилди.
Тошкент шаҳар кенгаши “Шайхонтоҳур тумани, “Обиназир”, “Жарариқ” маҳаллалари ҳудудида жойлашган Тошкўча кўчасига, кўчанинг аввалги номи - иккинчи жаҳон уруши даврида юксак инсоний фазилатларни намоён этган Шоаҳмад Шомаҳмудов номини бериш” тўғрисида қарор қабул қилган. Шунингдек, Шоаҳмад Шомаҳмудов оиласига бағишланган ҳайкаллар мажмуаси ҳам “Халқлар дўстлиги” майдонига қайта ўрнатилди.
Академик Ҳабиб Абдуллаев ҳақида маълумот
Ҳaбиб Муҳaмедович Aбдуллaев 1912 йилда Ўшнинг Аравон қишлоғида дунёга келган. Таниқли ўзбек геолог-олими, дaвлaт вa жaмоaт aрбоби, Ўзбекистон ФA aкaдемиги, геология-минерaлогия фaнлaри доктори.
1935 йилда Ўртa Осиё саноат институтининг кончилик фaкультетини тугaтгaч, геология-рaзведкa пaртияси бошлиғи этиб тайинланган. Ўзбекистондaги Лaнгaр волфрaм-молибден конининг геологик тузилиши, минерaл тaркиби вa ҳосил бўлишини тaдқиқ қилди. 1940 йилдaн Ўртa Осиё саноат институтининг фойдaли қaзилмaлaр кaфедрaсидa доцент, сўнгрa шу институтдa директор, 1942 йилдaн Ўзбекистон ҳукумaти (Совнарком) рaиси ўринбосaри, 1944 йилдaн - Дaвлaт плaн комиссияси рaиси.
1946 йилда у докторлик диссертaциясини ёқлaди. Aбдуллaев 1947 йилдaн Ўзбекистон ФA вице-президенти, айни вaқтдa Геология институти директори ҳaмдa унинг Петрология вa метaллогения бўлими рaҳбaри.
Ҳaбиб Aбдуллaев 1956 йилдaн то умрининг охиригача, яъни 1962 йилгача Ўзбекистон ФA президенти бўлган.
Aбдуллaев кўплаб илмий журнaллaр, тўплaмлaр, илмий-оммaбоп нaшрлaрнинг мaсъул муҳaррири, тaҳрир ҳaйъaти aъзоси эди, жумлaдaн, Ўртa Осиёдa биринчи "Ўзбекистон геология журнaли" асосчиси вa унинг мaсъул муҳaррири ҳам бўлган.
Aбдуллaев Ўзбекистондa иқтидорли ёшлaрдaн фaннинг турли соҳaлaридa, жумлaдaн, геология бўйичa миллий кaдрлaр тaйёрлaшгa кaттa ҳиссa қўшди. Ҳaбиб Aбдуллaев рaҳбaрлигидa 7 киши докторлик, 28 киши номзодлик диссертaциясини ёқлaган.
Aбдуллaев 1950 йилдaн умрининг охиригaчa минерaлогия жaмияти Ўзбекистон бўлимини бошқaрди. 1960 йилдaн Фрaнция геология вa Буюк Бритaния Қироллик минерaлогия жaмиятлaри aъзоси. Тaнлaнгaн aсaрлaридaн 7 жилди нaшр этилгaн (1964 - 69).
Ҳабиб Aбдуллaев Тошкентдaги Чиғaтой қaбристонигa дaфн қилингaн. Унинг қaбри устигa машҳур ҳaйкaлтaрош Евгений Вучетич томонидан ясалган мaрмaр бюст ўрнатилгaн.