Жаҳон соғлиқни сақлаш ташкилоти – ЖССТ болаларни COVID-19га қарши эмлаш мумкинлигини маълум қилди. Бу ҳақда ташкилотнинг расмий сайтида билдирилди.
Жорий ҳафта бошида ташкилот болаларни коронавирусга қарши эмлаш мумкин эмас, деган хулосани берган эди. Бунга вакциналарнинг болаларга қандай таъсир кўрсатиши тўлиқ ўрганиб чиқилмагани сабаб қилиб кўрсатилганди.
ЖССТнинг янги хулосасида 12 ёшдан ошган болаларни Pfizer вакцинаси билан эмлашга рухсат берилган. Шунингдек, ташкилот айни пайтда болалар учун коронавирусга қарши вакцина синовлари ўтказилаётганини таъкидлаган.
Аввалроқ Европа дори-дармонни назорат қилиш агентлиги 12-15 ёшдаги ўсмирларга коронавирусга қарши вакцинани қўллашга рухсат берган эди.