Ўзбекистонга ҳаво, темир йўл транспорти ҳамда чегара пунктлари орқали кириб келаётган барча шахслардан ўз ҳисобидан аэропорт, темир йўл вокзали ёки чегара пунктида коронавирусга антиген экспресс тест олиш тартиби 2021 йилнинг 15 мартидан бошлаб бекор қилинади. Бу ҳақда Соғлиқни сақлаш вазирлиги 14 март куни маълум қилди.
Билдирилишича, 13 март куни Республика махсус комиссиясининг навбатдаги йиғилишида қўшни мамлакатларда коронавирус инфекцияси билан боғлиқ эпидемиологик вазият бироз барқарорлашганлигини инобатга олган ҳолда мана шундай қарор қабул қилган.
15 мартдан кучга кирадиган янги тартиб бўйича ҳаво ва темир йўл қатновлари орқали Ўзбекистонга келаётган шахслар сўнгги 72 соатдан кўп бўлмаган муддатда коронавирус инфекциясига фақат ПЗР орқали текширилиб, манфий кўрсаткичга эга деб топилган маълумотномани тақдим этиши шарт.
Автойўл чегара ўтказиш пунктлари орқали Ўзбекистонга кириб келаётганлар ҳам мана шундай маълумотномани топширишлари зарур. Бироқ бундай маълумотномага эга бўлмаган шахслар чегара пунктларидаги махсус клиника ёки лабораторияларда коронавирусга антиген экспресс тест топширади.
Коронавирус инфекциясига ПЗР текширувлари натижалари инглиз ёки рус тилларида бўлиши талаб этилади.
15 мартдан Ўзбекистонга киришда коронавирусга антиген тест топшириш талаби бекор қилинади
Коронавирус инфекциясига ПЗР текширувлари натижалари инглиз ёки рус тилларида бўлиши талаб этилади.