Президент Шавкат Мирзиёев 24 август куни ўтказилган видеоселектор йиғилишида экология ва атроф-муҳитни муҳофаза қилиш давлат қўмитаси раиси Алишер Мақсудовни ишдан олди.
Билдирилишича, Алишер Мақсудов соҳадаги тизимли муаммоларни ҳал эта олмаган ва қатор камчиликларга йўл қўйган.
Президентнинг айтишича, сўнгги 4 йилда саноат корхоналари 2 бараварга ортиб, шаҳарларда чанг-газ миқдори меъёрдан 4 баравар ошган. Айни пайтда яшил майдонлар 3-4 баробарга қисқариб кетган ва ўртача 8 фоиздан камайиб кетган.
2017 йилдан 2020 йилгача “Ўзпахтасаноат” АЖ раиси сифатида ишлаган Алишер Мақсудов 2020 йил декабрида Экология ва атроф-муҳитни муҳофаза қилиш давлат қўмитаси раҳбарлигига тайинланганди.