АҚШ президенти Дональд Трамп мудофаа вазири Марк Эсперни ишдан бўшатиш ҳақидаги фармонни имзолади. Қарор имзоланган ондан бошлаб кучга кирди.
Эспернинг ўрнига мудофаа вазири вазифасини бажарувчи этиб Террорчиликка қарши кураш бўйича миллий марказ директори лавозимида ишлаб келаётган Кристофер Миллер тайинланган. Бу ҳақда Трамп Твиттердаги ўз саҳифаси орқали билдирган.
Шу йил 3 ноябрида бўлиб ўтган сайлов натижаларини тан олишдан бош тортаётган президент Трамп Пентагон раҳбари нима сабабдан ишдан бўшатилгани ҳақида изоҳ берган эмас.