Росгвардия ва полиция Чеченистон пойтахти Грознийда уч аёлни жодугарликда айблаб, қўлга олгани тўғрисида республика давлат телеканали хабар берди.
Билдирилишича, улар билан профилактик суҳбат ўтказилган ва қўйиб юборилган. Давлат телеканали хабарида иддао қилинишича, қўлга олинган “жодугар аёл”лардан бирининг “ичига жинлар кириб олган”.
Чеченистонда “жодугарлик билан шуғулланувчиларга қарши кураш” илк бора 2013 йилда ўтказилган эди. 2019 йилдан бошлаб бу кураш яна қайта жонланди.
Қўлга олинганлар телекамера олдида “халқдан кечирим” сўраб, ўз ишидан пушаймон эканини айтганидан сўнг қўйиб юборилади. Ҳукумат жодугарлар хизматидан фойдаланган шахсларни ҳам таъқиб қилади.
Кавказ.Реалии сайтининг ёзишича, қўлга олинганлар кўпинча товламачиликда айбланади. Илмий нуқтаи назардан қаралганда анъанавий миллий табобат, жодугарлик ва фолбинлик ўртасида ҳеч қандай фарқ йўқ.