Чеченистон ҳукумати республиканинг биринчи президенти Ахмад Қодиров номидаги олтин орденлар ва медалларни ясаш учун тендер эълон қилди.
Пудратчи 750-пробали олтиндан 15та орден ва 15та медал тайёрлаши шарт. Уларнинг умумий қиймати 9 миллион 600 минг рублни ташкил қилади.
Амалдаги президент Рамзан Қодировнинг отаси сурати туширилган медаллар 54та зумрад, 36та ёқут ва 18та бриллиант билан безатилиши лозим.
Олтин орденларда ҳам қимматбаҳо тошлар бўлиши шарт. Бироқ орденлар қандай тошлар билан безатилиши ҳақида маълумот берилмаган.
Аҳмад Қодиров номидаги орден Чеченистоннинг энг олий мукофоти ҳисобланади ва “буюк хизматлари учун” берилади.
Аҳмад Қодиров медали билан яқинда амалдаги президент Рамзан Қодиров, унинг онаси Армани Қодирова ва парламент раиси Магомед Даудов мукофотланган.