Ўзбекистонда 15 август куни коронавирусдан яна 5 киши, пневмониядан 3 киши вафот этди. Соғлиқни сақлаш вазирлигининг билдиришича, бу билан коронавирусдан ўлганлар сони 981 кишига, пневмония қурбонлари сони эса 123 кишига етди.
Сўнгги бир сутка ичида коронавирусга чалинган 877 бемор аниқланди ва коронавирус юққанлар умумий сони 143 918 нафар бўлди.
Касалликдан соғайганлар жами 136572 нафарга етди ва соғайиш кўрсаткичи 95 фоизни ташкил этмоқда.
15 август куни 479 кишида пневмония аниқланиб, жами беморлар сони 18 395 нафарга етди. Кеча уларнинг 475 нафари соғайиб, умумий соғайганлар сони 10977 нафарни ташкил қилмоқда.