Соғлиқни сақлаш вазирлигининг билдиришича, коронавирусга қарши эмлаш бошланган апрель ойидан то шу кунгача Ўзбекистонда 5 107 476 киши коронавирусга қарши тўлиқ эмланди.
Аҳолини эмлаш учун жами 22 миллион 433 минг дозадан ортиқ вакцина қўлланилди. Вазирлик шу кунгача эмланган балоғатга етмаган болалар тўғрисидаги маълумотни бермади.
Ўзбекистонда 28 сентябрдан 12 ёшдан 18 ёшгача бўлган болаларни ҳам Pfizer/BioNTech вакцинаси билан ихтиёрий равишда эмлашга рухсат берилган эди.
Вазирлик 28 сентябрдан 5 октябргача бўлган бир ҳафта ичида 87 710 нафар бола “ўз ихтиёри билан эмлангани” тўғрисида 6 октябрда билдирган.