Қирғизистон Бош вазири ўринбосари Тўқўн Мамитовнинг Озодлик радиосига маълум қилишича, 1 октябр куни Унгуртоғ ҳудудидан ўзбек чегарачиларини олиб чиқиб кетиш бошланади. Унинг айтишича, бу жараён 3 октябргача якунланиши керак. “Бу ҳақда Ўзбекистон ва Қирғизистон чегара раҳбарларининг Ўш - Андижон чегарасидаги “Дўстлик” чегара пунктида 30 сентябрда ўтган учрашуви чоғида келишиб олинди”, деб билдирди қирғиз расмийси.
Унга кўра, баҳсли ҳудуд экани иддао қилинаётган Унгуртоғдан ўзбек чегарачилари олиб чиқиб кетилгач, икки давлат ўртасидаги чегаранинг аниқланмаган қисми юзасидан музокаралар олиб борилади.
Тўқўн Мамитовнинг айтишича, ҳозирги кунда Унгуртоғда элликка яқин ўзбек чегарачиси бор. Ўзбекистон чегарачилари бу ерда чегара назоратини ўрнатгач, қирғиз томони ҳам иккита пост ўрнатишга мажбур бўлгани хабар қилинган.
Унгуртоғ ҳудудига яқин бўлган Қирғизистоннинг Ахси тумани аҳолиси қирғиз матбуотида пайдо бўлган Ўзбекистон чегарачилари ретланслятор станциясини босиб олгани ҳақидаги хабарларга ишонган ҳолда 26 сентябрда норозилик намойиши ўтказган ва ҳукуматдан 2 октябргача Ўзбекистон чегарачиларини Қирғизистон ҳудудидан ҳайдаб чиқаришни талаб қилган эди.
Тўқўн Мамитов Қирғизистон парламентида мазкур масала юзасидан қилган чиқишида ўзбек чегарачилари босқини ҳақидаги хабарларни ёлғон эканини айтган. Унга кўра, 20 сентябр куни Ўзбекистоннинг 15 чегарачиси вертолётда Унгуртоғ ҳудудига туширилган ва бу ерда 20 йилдан бери ишлаб турган ретронслятор станцияси ишчиларини текширувдан ўтказган. Шундан сўнг Ўзбекистон чегарачилари ретронслятор станцияси олдига чегара пости ўрнатган.
Унгуртоғ масаласи 30 сентябрда Қирғизистон ва Ўзбекистон бош чегарачилари Қурманкул Матенов ҳамда Рустам Эминжонов ўртасидаги учрашувда муҳокама қилинган масалалардан бири эди. Ҳозирча қирғиз расмийлари ва расмий Тошкент томонидан учрашувда муҳокама қилинган бошқа масалалар юзасидан қандай қарорлар қабул қилингани билдирилгани йўқ.
Унга кўра, баҳсли ҳудуд экани иддао қилинаётган Унгуртоғдан ўзбек чегарачилари олиб чиқиб кетилгач, икки давлат ўртасидаги чегаранинг аниқланмаган қисми юзасидан музокаралар олиб борилади.
Тўқўн Мамитовнинг айтишича, ҳозирги кунда Унгуртоғда элликка яқин ўзбек чегарачиси бор. Ўзбекистон чегарачилари бу ерда чегара назоратини ўрнатгач, қирғиз томони ҳам иккита пост ўрнатишга мажбур бўлгани хабар қилинган.
Унгуртоғ ҳудудига яқин бўлган Қирғизистоннинг Ахси тумани аҳолиси қирғиз матбуотида пайдо бўлган Ўзбекистон чегарачилари ретланслятор станциясини босиб олгани ҳақидаги хабарларга ишонган ҳолда 26 сентябрда норозилик намойиши ўтказган ва ҳукуматдан 2 октябргача Ўзбекистон чегарачиларини Қирғизистон ҳудудидан ҳайдаб чиқаришни талаб қилган эди.
Тўқўн Мамитов Қирғизистон парламентида мазкур масала юзасидан қилган чиқишида ўзбек чегарачилари босқини ҳақидаги хабарларни ёлғон эканини айтган. Унга кўра, 20 сентябр куни Ўзбекистоннинг 15 чегарачиси вертолётда Унгуртоғ ҳудудига туширилган ва бу ерда 20 йилдан бери ишлаб турган ретронслятор станцияси ишчиларини текширувдан ўтказган. Шундан сўнг Ўзбекистон чегарачилари ретронслятор станцияси олдига чегара пости ўрнатган.
Унгуртоғ масаласи 30 сентябрда Қирғизистон ва Ўзбекистон бош чегарачилари Қурманкул Матенов ҳамда Рустам Эминжонов ўртасидаги учрашувда муҳокама қилинган масалалардан бири эди. Ҳозирча қирғиз расмийлари ва расмий Тошкент томонидан учрашувда муҳокама қилинган бошқа масалалар юзасидан қандай қарорлар қабул қилингани билдирилгани йўқ.
