"Коллежга кириш учун ҳам пора сўрашаяпти"
Самарқанд тумани Каттақўрғон тумани Пайшанба қишлоғида яшовчи 16 яшар ўсмир коллежнинг хоҳлаган бўлимига ўқишга кириши учун пора талаб қилинаётганидан шикоят қилди:
Assalom-u aleykum… Yaxshimisiz Ozodlik ma`muriyati… Sizlarga bir muammoda murojat qilmoqchi edim… Men O`zbekistondanman… Samarqand viloyati Kattaqo`rg`on tumani, Payshanba shaharchasida yashayman… Men 16 yoshdaman, shu yil Payshanba shaharchasidagi 4-umumiy o`rta ta`lim makabini bitirdim… Men ingliz tilini yaxshi bilaman, 5-6 yildan buyon ingliz tilini o`rganaman… Tabiiyki Jahon tillari universtitetiga kirmoqchiman, va buning uchun boshqa viloyatlarda shu yo`nalish bo`yicha o`qimoqchi edim… Ammo maktab bunga yo`l qo`ymadi… “Nima uchun?”- deb so`ragan edim, bunga ham baxona topishdi, “Bunday qilib bo`lmaydi, sen yashab turgan hududingdagi kollejga kirasan. Boshqa ilojing yo`q.” deyishdi… Ilojsizlikdan Payshanba Maishiy xizmat ko`rsatish Kollejiga kirishdan boshqa ilojim yo`q edi… Shunda ham shu kollejni “Bug`alteriya” bo`limiga kirmoqchi edim, ammo ular bu bo`limda bo`sh joy qolmaganini baxona qilishdi, shuning uchun yana o`zim hohlamagan “Kompyuter” bo`limiga kirishga majbo`r bo`ldim… Eshitishimcha boshqa sheriklarimdan “Bug`alteriya” bo`limiga kirishi uchun 100 ming – 150 ming so`rashibdi… Ba`zi sheriklarim ular so`ragan pulni berishibdi… Ular pul berib kirishdi… Menda esa pul yo`q edi shuning uchun o`zim xoxlamagan bo`limga kirishga majbur bo`ldim… Xop ilojsizlikdan shunga ham rozi bo`ldim… Lekin bugun (08.07.2016. da) ota-onalar majlisiga chaqirishdi… Soat 10-00 da borishlarini aytishdi… Uyimdegilar borishdi, aytishlaricha ular shu bo`limda qolish uchun ham pul so`rashayotgan ekan, 150 ming bermasa, boshqa oddiy bo`limlarga o`tkazib yuborishlarini yoki kollejga olishmasliklarini aytishibdi… Uyimdegilar noilojlikdalar… Afsuski faqat shu kollejlar emas qolgan aksariyat kollejlar ham shunday axvolda… Do`stlarim tuman MED kollejiga 300- 400 hattoki 500 dollar berib kishirdi… Dadam nafaqaxo`rlar, oyim hech qayerda ishlamaydilar, uy bekasilar… Oddiy kollejda o`qish uchun bunaqa pulni qayerdan olamiz… Majlisdagi ota-onalar noilojlikdan hayratda qoldi… Oyimlarni aytishlaricha ota-onalarning ichida “Qizimni o`qitmayman, undan ko`ra erga beraman, pulga bo`lsa o`qimay qo`ya qoladi… “ deganlari ham bo`libdi… Yana bir do`stim bor, uning ham otasi nafaqaxo`r onasi uy bekasi, o`zi esa ishlaydi… O`qishi a`lo, ammo puli yo`q… Bu xabardan keyin uning ham kelajagi mavhum bo`lib qolmoqda… Bizlar nima qilishimiz kerak, axir?
P.S. Самарқандлик ўсмирнинг ёзганлари таҳрирсиз берилди.
Абитуриент эҳтиёт бўл: Ўзбекистонда фирибгарлар даври келди
Sputniknews-uz.com сайти абитуриентларни фирибгарлардан эҳтиёт бўлишга чақириб махсус мақола эълон қилди.
Абитуриентлардан “Қидирувда эмас” деган маълумотнома талаб қилинмоқда
2016-2017 ўқув йили учун ҳужжат қабул қилаётган Ўзбекистондаги тиббиёт олийгоҳлари абитуриентлардан “Қидирувда эмас” деган мазмундаги қўшимча маълумотнома талаб қилинмоқда.
Бу ҳақда Озодликка бўлажак абитуриентлардан бири хабар қилди. Кеча маҳаллий газеталар ҳам бу ҳақда ёзишди.
Ўзбекистон Соғлиқни сақлаш вазири Анвар Алимов абитуриентлардан "Қидирувда эмас" маълумотномасини талаб қилиш ноқонуний эканлигини таъкидлаган.
"Бу бўйича ҳеч қандай кўрсатма мавжуд эмас” дея қидирувда эмаслик ҳақидаги маълумотнома талаб қилиш асоссиз эканини билдирган Анвар Алимов.
Самарқанд олийгоҳларида "Ректорский группа" учун абитуриентларни қийнашаяпти
Самарқандлик абитуриент вилоят олийгоҳларида бўлаётган кўзбўямачиликлар ва қаллобликлар ҳақида ҳикоя қилувчи қуйидаги мактубни Озодликка йўллади:
Ўзбекистон олий таълим муассасаларига қабул 20 июлгача давом этиши белгиланган. Коррупция авж олган олий таълим муассасаларига қабулда бир неча йиллардан буён "Ректорский группа" пайдо бўлган. Бунинг маъноси шундан иборатки, иложи борича бирор келишилган йўналишга олийгоҳ раҳбарияти томонидан қабулда кўпчиликнинг ҳужжатлари ҳар хил баҳоналар билан қабул қилинмайди.
Яъники, иложи борича ўша йўналишда камроқ ҳужжат топширилиши керак. Ушбу йўналишга ўқишга кирувчиларининг 100 %и айнан ректор ва проректорлар томонидан "гаплашилганлар" киришади. Ҳужжат топшира олганлар ҳам бир неча марта сарсонгарчиликлардан кейин топшириши мумкин.
Хужжатлар одатда ҳар хил баҳоналар билан қабул қилинмайди. Масалан, "печат хира чиққан", "медформа икки хил ручкада ёзилган", аслида керак бўлмаган "Маҳалладан справка", "расмга хира тушгансан" ва бошқа...
Худди шундай "Ректор группаси" Самарқанд..... олийгоҳида (олийгоҳ номи ёзилган, лекин маълумот текширилмагани боис ошкор қилинмаяпти. -таҳр) ишламоқда.
Одатда энг кўп ҳужжат қабул қилинадиган тарих йўналишида раҳбарият томонидан факултет қабулига масъул этиб тайинланган факултет катта ўқитувчиси А.Р. (исм тўлиқ ёзилган, лекин маълумот текширилмагани боис ошкор қилинмаяпти. –таҳр. ) фақат олдиндан гаплашилган абитуриентларни киргизмоқда.
Қолган абитуриентлар ҳужжатлари юқоридаги баҳоналарга асосан, қайтарилмоқда.
Бу борада шикоят қилган абитуриентларга "Сен жамоат тартибини бузаяпсан", "Мелисага бервораман", "Хали сени ҳужжатларинингни топшира олмайдиган қиламан" деб пўписа қилишмоқда.
"Ижтимоий иш" йўналишида эса бу борада бошқача "Движение" бўлади, яъни унинг "Президент асарлари" фанидан ижодий имтиҳони бор. Ижодий имтихонда 70 балл тўпланиши мумкин. Гаплашилган "абитуриентлар" ёзма ишида нима ёзишидан қатъий назар юқори балл, минг билими билан топширганлар паст олишади. Бу ишларнинг бошида албатта ректор ва уни бу борада уни "Страховка" қилиб турган "орган ходимлари" бор.
.... факултетига бирорта "бегона" ўқишга кира олмайди. Бу нарса факултет пайдо бўлган йилдан буён "бир хил тартибда" ишлайди. Бунинг схемаси шундан иборатки, имтихонларни назорат қилаётган куч ишлатар тизим ходимлари "шундай кўрмай қолишади" нима бўлганинини. Аслида бу борада улар ҳам ким ўқишга киришию кирмаслигидан огоҳлантирилишади.
Маълумки, 20 июль кунигача абитуриентлар ўз ҳужжатларини топширишади. Имтихонга 3-4 кун қолганда ким қайси бинодаги қайси хонада давлат тест имтихонларини топшириши маълум қилинади. Ана шунда "Ректорский группа" алоҳида бирорта чеккароқ бинодаги хонага тўплантирилади. Мазкур бинонинг айнан шу хонасида ҳамма гаплашилганларга бемалол "ёрдамчилар" келиб вариантларини ишлаб беришади.
Самарқандлик абитуриент хати таҳрирсиз эълон қилинди
