Чегарадаги ўзбекистонликлар: Чегарада 2-3 кундан бери турибмиз, Ўзбекистон қабул қилмаяпти

Ўзбекистон коронавирус ортидан чегараларни ëпганлиги туфайли кўплаб ўзбекистонликлар шу кунларда Ўзбекистонга кира олмасдан чегарада кутишга мажбур бўлмоқда. Қозоғистондаги Дўстлик ҳамжамияти раиси Икром Ҳошимжонов сўзларига кўра¸ Ўзбекистоннинг Қозоғистондаги элчихонаси ўзбек ҳукумати билан ўзбек-қозоқ чегарасида турган ўзбекистонликларни Ўзбекистонга киритиш борасида алоқага чиққан ва буйруқ чиқарилишини кутмоқда.