Манба: Навальний танасида чангак оқибатида қолган моматалоқлар бор
Сиёсатчи Алексей Навальнийнинг жасади Салехард округ касалхонаси моргида сақланмоқда, деб хабар берди 18 февраль куни "Новая газета Европа" ўз манбаларига таянган ҳолда.
Маҳаллий тез ёрдам ходими журналистларга моргни полиция қўриқлаётганини айтган. Унга кўра, Навальний танасида чангак оқибатида юзага келадиган моматалоқлар борлиги аниқланган.
"Бундай моматалоқлар чангак оқибатида юзага келади. Кишининг томири тортишиб, қалтираб қолади. Атрофдагилар уни тинчлантиришга уринишига қарамай, чангак жуда оғриқли бўлади, бунинг ортидан танада қон қотиб қолиб, мана шундай моматалоқлар пайдо бўлади", - деб иқтибос келтирган газета тиббиёт ходими сўзларидан.
Манбанинг айтишича, Навальнийнинг кўкрак қисмида юракни билвосита массаж қилиш излари ҳам топилган. "Яъни уни жонлантиришга ҳаракат қилишган, у юрак тўхтаб қолиши оқибатида ўлган бўлиши эҳтимол. Лекин унинг юраги тўхташига нима сабаб бўлгани тўғрисида ҳозирча ҳеч ким ҳеч нарса айтмаяпти", - деди врач.
Хабарда айтилишича, ҳозирча Навальний жасади ёрилмаган, маҳаллий врачлар Москвадан мутахассислар келишини кутаётгани таҳмин қилинмоқда. Суд-тиббиёт экспертизаси ўтказилганидан сўнггина жасад Навальний яқинларига берилади. Агар қандайдир биоматериаллар Москвага экспертиза учун жўнатиладиган бўлса, бу жараён яна бир неча ҳафтага чўзилиши мумкин.
Аввалроқ Навальнийнинг онаси Людмила ва унинг адвокати Салехард моргига боргани, аммо морг ёпиқ бўлгани ҳақида хабар берилганди. Навальнийнинг онасига телефон орқали мазкур моргда ўғлининг жасади йўқлигини айтишган. Хабарда айнан қайси морг ҳақида гап этаётгани аниқлаштирилмаган. Салехардда иккита морг бор.
Навальнийнинг матбуот котиби Кира Ярмишга кўра, Тергов қўмитаси ҳозирча сиёсатчининг ўлими сабаблари номаълум эканини, текширув якунланмагунига қадар жасад яқинларига берилмаслигини билдирган.
Хабарда таъкидланишича, Тергов қўмитаси айни пайтда адвокатларга «текширув якунлангани ва Навальний ўлимида криминал излари топилмагани»ни маълум қилган.
Россия расмийлари Навальний ўлими ҳақида 16 февралда хабар берган эди. Ғарб давлатлари сиёсатчининг ўлими учун масъулиятни Кремль зиммасига юклади.
"ОВД-Инфо": Сўнгги икки кунда Россияда Алексей Навалний хотирасига ўтказилган акцияларда 400 дан ортиқ одам ушланди
“ОВД-Инфо” нашрига кўра, ўтган икки кунда Россияда Алексей Навалний хотирасига бағишланган акцияларда 401 киши ушланган. Жами 36 шаҳарда одамлар қўлга олингани айтилмоқда.
Санкт-Петербургнинг ўзида 200 дан зиёд киши ушланиб, улардан 38 нафари кечаси полиция бўлимларида қолдирилган.
“Медиазона” нашри Санкт-Петербург судлари матбуот хизматига таяниб, акцияларда иштирок этгани учун 42 кишига бир суткадан олти суткагача маъмурий қамоқ жазоси берилгани ҳақида ёзди.
Яна 9 киши 10 мингдан 15 минг рублгача жаримага тортилган.
Шунингдек, Санкт-Петербургда Алексей Навалнийга жаноза ўқиш учун маросим ўтказмоқчи бўлган руҳоний Григорий Михнов-Вайтенко инсулт билан касалхонага ётқизилган.
Бу ҳақда шаҳар Қонунчилик кенгаши депутати Борис Вишневский маълум қилди.
Ҳуқуқ фаоли ва Ҳаворийлар православ черкови архиепископи Михнов-Вайтенко Навалнийга бағишланган маросимни Троицк майдонидаги Соловец тоши ёнида ўтказмоқчи бўлган.
Руҳоний бу ҳақда 16 феврал оқшомида маълум қилган, эртасига эрталаб уни уйидан чиқаётган чоғда қўлга олганлар. Руҳоний 43-полиция бўлимига етказилган, оқшом вақти у ердан тез ёрдам машинасида олиб кетилган.
Ўзбекистон ва Қозоғистонда Навальний хотирасига мемориаллар пайдо бўлди
Тошкентдаги қатағон қурбонлари хотирасига бағишланган паркда Алексей Навальний хотирасига бағишланган стихияли ёдгорлик пайдо бўлди.
16 феврал куни мухолиф россиялик сиёсатчининг ўлими ҳақидаги хабарлар пайдо бўлгач, одамлар Россия элчихонасига гул олиб кела бошлади. Шунингдек, “Шаҳидлар хотираси” мажмуасидаги кўприкда шамлар, гуллар ва Навалнийнинг портрети пайдо бўлди.
Ижтимоий тармоқлардаги нашрларга кўра, одамлар бугун гул қўйишни давом эттиришни режалаштирмоқда.
Ўзбекистонлик сиёсий фаол Расул Кушербаев ҳам Навалний ўлимига ўзининг Фейсбук саҳифасида бундай муносабат қолдирди:
"Мени ўлдиришга қарор қилишган бўлса - демак биз ўта кучлимиз!"
Алексей Навальний ўзининг ўлдирилиши мумкинлигига бундай муносабат билдирган эди: