Публицист Шароф Убайдуллаев кун воқеалари юзасидан бугунги суҳбатда ҳам, одатдагидай, яқин тарихга экскурс ясади: “Жаҳон ўзбекларининг Иккинчи қурултойини чақириш вақти келди”, дер экан, Убайдуллаев Жаҳон ўзбекларининг Биринчи қурултойини эслади. 1992 йили ўтказилган бу анжуман ишида президент Каримов қатнашган эди. Ўшандан буён бундай миллий анжуманларни Ўзбекистоннинг қўшнилари бир неча мартадан ўтказди. Бироқ Ўзбекистон жаҳон ўзбеклари вакилларини, чорак аср муқаддам меҳмонга чақирганидан буён, бошқа чақирмади.
Шундай қурултой яқин келажакда чақирилишига Шароф Убайдуллаев президент Мирзиёевнинг Янги йил табригида бир ишора кўргандай...
