Чехияда мамлакат бўйлаб карантин эълон қилингани ортидан йўловчиларга жамоат транспортларига маскасиз чиқиш ман этилди. Шунингдек 19 мартдан бошлаб кўчага маскасиз чиқиш мумкин эмас.
Праганинг маска таққан йўловчилари ва туристларсиз қолган кўчалари
1
Прага метроси. 17 март¸ эрталаб соат 7:40. Прага шаҳар мэрияси йўловчиларга шаҳар жамоат транспортида маскасиз юриш мумкин эмаслиги тўғрисида эълон қилганидан бир кун ўтиб.
2
17 март куни метродаги йўловчилар.
3
17 март куни маска кийган йўловчи метро вагонидан тушмоқда. Бир кун олдин Прага шаҳар мэри Твиттерда: "Прага шаҳар жамоат транспортида оғиз ва бурун ëпилган бўлиши шарт. Бу тиббий маска¸ уйда тикилган маска бўлиши мумкин. Ëки бўлмаса шарф ишлатинг. Ҳар қандай нарса ҳеч нарсадан кўра яхши"¸ деб ëзди.
4
Прага метросида маска таққан йўловчи. Тиббий экспертларга кўра¸ бундай маскалар маска таққан одамни коронавирусдан оз миқдорда ҳимоя қилади. Аслида операция учун чиқарилган бу маскалар аллақачон вирусга чалинган беморлардан инфекция тарқалишининг олдини олади. Коронавирусга ўхшаш пандемия ҳолатларда вирус юқтирган лекин ҳали вирус симптомлари юзага чиқиб улгурмаган одамларнинг бундай маска тақиб юриши вирус тарқалишининг олдини олишга ëрдам беради.