Сўх жанжали: Чашма булоғи можароси, ўқ еган сўхликлар, тинч йўл билан ҳал қилинган зиддият

Ўзбекистоннинг Фарғона вилояти Сўх туманидаги, Қирғизистоннинг Боткен вилоятига туташ, Чашма қишлоғида сув устида яна тўқнашув бўлди. Гувоҳлар кўрсатмаси ва расмий баёнотларга кўра, жанжалда икки тарафдан мингдан ошиқ одам қатнашган, томонлар бир-бирини тошбўрон қилган, бир неча уйга ўт қўйилган.