Oligarx Alisher Usmonovning o‘gay o‘g‘li va Irina Vinerning o‘g‘li – Natan Vinerga aloqador shirkat qiymati qariyb 4 mln dollarga teng Zoe nomli yaxtani Rossiyaga olib kelgan. Bu haqda bojxona qaydlariga tayanib, The Insider xabar bermoqda.
Sunseeker Predator 115 rusumli yaxta shu yilning fevral oyi oxirida Turkiyadan Sochiga kelgan. Uni kema Rossiyaga olib kelinishidan ikki oy oldin ro‘yxatdan o‘tkazilgan “Avers Treyd” shirkati nomiga rasmiylashtirganlar.
Firma muassisining ism-familiyasi Oleg Garay bo‘lib, u Natan Vinerga tegishli “Gradproyekt” va “Rodina stroy grupp” nomli ikki shirkat rahbaridir. Jurnalistlarga ko‘ra, Garay yaxtani o‘z ish haqiga sotib olgan bo‘lishi mumkin emas.
Nashr mazkur yaxta Natan Vinerning onasi – Alina Kabayevaning sobiq murabbiyi va Vladimir Putinning ishonchli vakili Irina Vinerga atalgan bo‘lishi mumkinligini istisno qilmaydi. Shuningdek, kemaga Vinerning nabirasi ismi berilgan bo‘lishi ham ehtimoldan xoli emas.
Браузерингиз HTML5 ни қўллаб- қувватламайди
Алишер Усмонов Путинга “яқин эмас”лигини исботлай оладими?
Jurnalistlar Zoe yaxtasining ishlab chiqarilgan yili va tavsifi Usmonovga qarshi sanksiyalar joriy etilganidan so‘ng Xorvatiyada band (arest) solingan Irina VU yaxtasi ma’lumotlariga o‘xshashligini aniqlaganlar. Irina VU 2022-yilning oktyabridayoq Betina portidan g‘oyib bo‘lgan. 9-oktyabrda kema Turkiyaning Didim portida langar tashlagan va shundan beri o‘rtaga chiqmagan.
G‘oyib bo‘lgan yaxta rasman Kayman orollaridagi Leraux Yachts Limited shirkatiga tegishli bo‘lgan, Zoe yaxtasini jo‘natgan shirkat ham shu.
Alisher Usmonov – Rossiyaning eng badavlat kishilaridan biri. Forbes jurnali 2024-yilda uning boyligini 13,4 mlrd dollarga baholagan. 2022- yilda u hamda Viner rasman ajrashgan. Rossiya Ukrainaga bostirib kirishi ortidan YI, AQSH va Buyuk Britaniya Alisher Umonovga qarshi sanksiyalar kiritgan. Germaniya hukumati esa uning 588 mln dollar turadigan Dilbar yaxtasini hibs qilgan.