Ўшда ўзбек-қирғиз алоқалари 25 йиллигига бағишланган учрашув бўлди

Ўзбек-қирғиз дипломатик алоқаларининг 25 йиллиги муносабати билан ўзбекистонлик бир гуруҳ зиёли Ўшга келди. Ўзбекистон Миллий университети профессори Аҳмаджон Мелибоев, Ўзбекистон-Қирғизистон Дўстлик жамияти раиси, Ўзбекистон китоб палатаси раҳбари Зуҳриддин Исомиддинов, Вазирлар маҳкамаси ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси вакили Феруз Беков ҳамда таниқли санъаткор Муҳаммаджон Шокиров 18 февраль куни Ўш вилоят кутубхонасида маҳаллий зиёлилар билан учрашди.