Сурия ва Ироқдаги қуролли радикаллар сафига қўшилаëтган ўзбекларнинг хориж¸ хусусан Россиядаги “даъватчи”ларга алданиб¸ жиҳодга кетаëтгани айтилмоқда.
Марказий осиëлик меҳнат муҳожирларининг асосан¸ Россия масжидларини жиҳодга одам ëллаш марказига айлантирган радикаллар томонидан алданаëтгани ҳақидаги баëнотларга Россия муфтияти бир неча бор муносабат билдирган.
Хусусан¸ Россия мусулмонлари диний бошқармаси бир йил аввал тарқатган баëнотда айтилишича¸ муфтият 2013 йилда Тожикистон¸ Ўзбекистон ва Қирғизистоннинг Москвадаги элчихоналарига мурожаат қилиб¸ қавмининг аксари айнан шу республикалардан келган меҳнат муҳожирлари экани боис уларга ўз тилида ваъз қилувчи имомлар юборишни сўраган. Бу сўровга ҳозирга қадар фақат Қирғизистон ҳукуматигина ижобий жавоб қилганини таъкидлаган муфтият¸ тожик ва ўзбек дипломатлари на бу сўров ва на шу масалада учрашиш таклифини менсимаганини билдирган эди.
"Ўзбекистон ва Тожикистон ҳукуматлари ўз элчихоналари орқали миллий манфаатларини ҳимоя қилишлари¸ тегишли профилактика чоралари қўллаб¸ ҳам мамлакат ичкариси¸ ҳам ташқарисидаги ўз фуқаролари учун масъулиятни зиммаларига олишлари лозим”¸ дейилган эди Россия мусулмонлари диний бошқармаси баëнотида.
Россияга иш излаб келган Ўзбекистон ва Тожикистон фуқароларининг бу ердаги радикал исломий гуруҳлар таъсирига тушиб¸ Сурия ва Ироқдаги жиҳодчилар сафига кетаëтгани кейинги пайтларда Тошкент ва Душанбе¸ қолаверса Бишкек ва Остонани жиддий ташвишга солмоқда.
Мустақиллик арафасида бир гуруҳ ўзбек имомлари билан учрашган Ислом Каримов улардан ëшларни радикал ислом ғоялари¸ хусусан¸ Сурия ва Ироқдаги “бало”дан асраш йўлларини излаб топишга даъват қилган эди
Сизнингча¸ Ўзбекистон ҳукумати томонидан тайинланган имомларни хориж¸ биринчи галда¸ Россиядаги асосий қавми ўзбек муҳожирлари бўлган масжидларга юбориш жиҳодчилар ўлжасига айланаëтганлар сонини камайтира оладими?
Браузерингиз HTML5 ни қўллаб- қувватламайди
OzodlikOnline: Хориж масжидларига ўзбек имомларини юбориш радикализмни камайтира оладими?
Ўзбекистон ҳукуматининг Россия муфтияти таклифини "менсимагани"ни Сиз қандай изоҳлайсиз?
Сиз ўзингиз хорижда ибодат учун бораëтган масжидда Ўзбекистон ҳукумати томонидан маъқулланган имом бўлишини истайсизми?
12 октябрь¸ душанба куни Тошкент вақти билан 19:05 дан бошлаб Озодликнинг Skype манзиллари орқали шу мавзудаги жонли суҳбатга қўшилинг.
Браузерингиз HTML5 ни қўллаб- қувватламайди
OzodlikOnline: Хориж масжидларига ўзбек имомларини юбориш радикализмни камайтира оладими?