Озодликнинг Қурултой эшиттиришига йиғилган ўзбек журналистлари ўзбек журналистикасида бошланган “муз эриши” жараëни тўхтаб¸ яна “цензура” даври бошланмоқдами, деган хавотирни билдиришди. Бу хавотирга МТРКдаги кейинги ўзгаришлар сабаб бўлгани айтилди.
Браузерингиз HTML5 ни қўллаб- қувватламайди
ТВга эски раҳбарнинг қайтиши¸ Каримов давридаги ТВга қайтишни англатадими?
30 август куни кечқурун Ўзбекистон Миллий телерадиокомпаниясида навбатдан ташқари йиғилиш ўтказилди ва ташкилотга янги раҳбар тайинланди.
Алишер Хўжаев (Ходжаев) ЎзМТРК раислигига қайтарилди.
У бир ойга яқин вақт давомида телевидениега раҳбарлик қилган, 29 август куни лавозимдан олинган Бобур Алихоновнинг ўрнига тайинланди.
Эслатиб ўтамиз, Алишер Хўжаев 2005 йил апрелидан 2017 йил бошига қадар ЎзМТРК раҳбари бўлган, шу йил бошида ишдан кетган ва унинг ўрнига Хуршид Мирзоҳидов тайинланганди. Мирзоҳидов бу лавозимда ярим йил, 2017 йил августига қадар фаолият юритган эди.
Қурултой иштирокчилари назарида Ўзбекистон бош вазири Абдулла Ариповнинг қудаси бўлган Хўжаевнинг МТРКга раис бўлиши непотизм, яъни уруғ-аймоқчилик муаммосини келтириб чиқаради.