Тел: +996 550528 555
Facebook: @elmurod.zhusupaliev
Prezident Shavkat Mirziyoev Qirg‘izistonga davlat tashrifi doirasida hamkasbi Atambaev bilan uchrashuvdan so‘ng “xalqimizning orzu-niyatlari amalga oshadigan bu kunni biz 25 yil kutgan edik”, deb bayonot berdi. Shavkat Mirziyoev o‘zbek va qirg‘iz xalqiga tez kunda O‘zbekiston o‘z chegaralarini hech qanday to‘siqlarsiz bordi–keldi uchun ochishiga va’da berdi. Mirziyoev O‘zbekiston uzoq yillardan beri qarshi chiqib kelayotgan Qambarota GESi loyihasini Qirg‘iziston bilan birga amalga oshirishga hamda Xitoydan O‘sh orqali Andijonga avtomobil yo‘lini hamkorlikda qurishga tayyorligini bildirdi.
Президент Шавкат Мирзиёев Қирғизистонга давлат ташрифи доирасида ҳамкасби Атамбаев билан учрашувдан сўнг “халқимизнинг орзу-ниятлари амалга ошадиган бу кунни биз 25 йил кутган эдик”, деб баёнот берди. Шавкат Мирзиёев ўзбек ва қирғиз халқига тез кунда Ўзбекистон ўз чегараларини ҳеч қандай тўсиқларсиз борди–келди учун очишига ваъда берди. Мирзиёев Ўзбекистон узоқ йиллардан бери қарши чиқиб келаётган Қамбарота ГЭСи лойиҳасини Қирғизистон билан бирга амалга оширишга ҳамда Хитойдан Ўш орқали Андижонга автомобил йўлини ҳамкорликда қуришга тайёрлигини билдирди.
Prezident Shavkat Mirziyoev va uning rafiqasi Ziroatxon Mirziyoevani hamkasbi Almazbek Atambaev "Manas" aeroportida rafiqasi Raisa Atambaeva bilan birga kutib oldi. Mirziyoevning 5-6 sentabr kunlariga mo‘ljallangan davlat tashrifi doirasida ikki davlat o‘rtasidagi chegaraning 1170 kilometri aniqlanib bo‘lingani to‘g‘risidagi oraliq shartnoma imzolanishi kutilmoqda. Chegarani aniqlash jarayonida O‘zbekiston Qirg‘izistonga 476 gektar, Qirg‘iziston O‘zbekistonga 241 gektar yer bilan almashindi.
Президент Шавкат Мирзиёев ва унинг рафиқаси Зироатхон Мирзиёевани ҳамкасби Алмазбек Атамбаев "Манас" аэропортида рафиқаси Раиса Атамбаева билан бирга кутиб олди. Мирзиёевнинг 5-6 сентябрь кунларига мўлжалланган давлат ташрифи доирасида икки давлат ўртасидаги чегаранинг 1170 километри аниқланиб бўлингани тўғрисидаги оралиқ шартнома имзоланиши кутилмоқда. Чегарани аниқлаш жараёнида Ўзбекистон Қирғизистонга 476 гектар, Қирғизистон Ўзбекистонга 241 гектар ер билан алмашинди.
Saudiya Arabistoni rasmiylari joriy yilda 2 million 300 ming odam ishtirok etgan Haj ziyorati jiddiy hodisalarsiz muvaffaqiyatli yakunlanganini e’lon qildi.
Саудия Арабистони расмийлари жорий йилда 2 миллион 300 минг одам иштирок этган Ҳаж зиёрати жиддий ҳодисаларсиз муваффақиятли якунланганини эълон қилди.
Qo‘shma Shtatlarda noqonuniy ravishda yashab kelgan Abror Habibov "Islom davlati" terror guruhiga yordam berishni rejalaganlik yuzasidan bildirilgan ayblovlarni tan oldi. Abror Habibov Nyu-Yorkda terrorchilikda ayblanib hibs qilingan va o‘z ishlari sudda ko‘rib chiqilishini kutayotgan uchinchi o‘zbekistonlikdir. Bunga qadar terrorchilikda ayblanib Nyu -Yorkda qo‘lga olingan 5 kishidan 2 nafari o‘ziga bildirilgan ayblovlarni tan olgan edi.
Қўшма Штатларда ноқонуний равишда яшаб келган Аброр Ҳабибов "Ислом давлати" террор гуруҳига ёрдам беришни режалаганлик юзасидан билдирилган айбловларни тан олди. Аброр Ҳабибов Нью-Йоркда террорчиликда айбланиб ҳибс қилинган ва ўз ишлари судда кўриб чиқилишини кутаётган учинчи ўзбекистонликдир. Бунга қадар террорчиликда айбланиб Нью -Йоркда қўлга олинган 5 кишидан 2 нафари ўзига билдирилган айбловларни тан олган эди.
Chuy viloyatining Jayil tumanida 29 avgust kuni ertalab Milliy xavfsizlik qo‘mitasi o‘tkazgan maxsus amaliyot paytida terrorchilikda gumonlangan ikki shaxs otib o‘ldirildi, bir gumonlanuvchi yaralandi. Milliy xavfsizlik xizmatining bildirishicha, 24 avgust kuni Bishkekda “Nissan Presaj” avtomashinasini yo‘l patrul militsiyasi to‘xtatishga harakat qilgan.
Чуй вилоятининг Жайил туманида 29 август куни эрталаб Миллий хавфсизлик қўмитаси ўтказган махсус амалиёт пайтида террорчиликда гумонланган икки шахс отиб ўлдирилди, бир гумонланувчи яраланди. Миллий хавфсизлик хизматининг билдиришича, 24 август куни Бишкекда “Ниссан Пресаж” автомашинасини йўл патруль милицияси тўхтатишга ҳаракат қилган.
O‘zbekiston prezidenti Shavkat Mirziyoevning Bishkekka sentabrning birinchi haftasida davlat tashrifi bilan kelishi to‘g‘risidagi xabarni jamoatchilikka Qirg‘iziston prezidenti Almazbek Atambaev O‘zganga qilgan tashrifi paytida bildirdi. Atambaev o‘z so‘zida bu tashrif davomida ikki davlat vatandoshlari uchun eng dolzarb muammo bo‘lib turgan chegaralarni ochish masalasi ham muhokama etilishini sha’ma qildi.
Ўзбекистон президенти Шавкат Мирзиёевнинг Бишкекка сентябрнинг биринчи ҳафтасида давлат ташрифи билан келиши тўғрисидаги хабарни жамоатчиликка Қирғизистон президенти Алмазбек Атамбаев Ўзганга қилган ташрифи пайтида билдирди. Атамбаев ўз сўзида бу ташриф давомида икки давлат ватандошлари учун энг долзарб муаммо бўлиб турган чегараларни очиш масаласи ҳам муҳокама этилишини шаъма қилди.
O‘zbekiston sug‘orish mavsumida suv tanqisligiga yo‘l qo‘ymaslik maqsadida Qirg‘izistondan elektr energiyasi sotib olayotganini bildirdi. O‘zbek rasmiylariga ko‘ra, Toshkent elektr energiyasi sotib olish bilangina cheklanib qolmay, qo‘shni davlatlar bilan asr qurilishi sifatida talqin etilayotgan CASA-1000 loyihasiga munosabatini qayta ko‘rib chiqishga tayyor.
Ўзбекистон суғориш мавсумида сув танқислигига йўл қўймаслик мақсадида Қирғизистондан электр энергияси сотиб олаётганини билдирди. Ўзбек расмийларига кўра, Тошкент электр энергияси сотиб олиш билангина чекланиб қолмай, қўшни давлатлар билан аср қурилиши сифатида талқин этилаётган CASA-1000 лойиҳасига муносабатини қайта кўриб чиқишга тайёр.
Qirg‘iziston prezidenti 22 avgust kuni hukumatni iste’foga chiqarish to‘g‘risidagi farmonni imzoladi.
Қирғизистон президенти 22 август куни ҳукуматни истеъфога чиқариш тўғрисидаги фармонни имзолади.
Qirg‘izistonda prezidentlikka nomzodini ko‘rsatmoqchi bo‘lganlarni ro‘yxatga olish, ularni qirg‘iz tili imtihonidan o‘tkazish jarayoni yakunlanib, nomzod sifatida ro‘yxatga olinganlarga rasmiy guvohnomalar berila boshlandi. Nomzodlar rasmiy ro‘yxati 10 sentabrda e’lon qilinadi. Qirg‘izistonda prezidentlik saylovi 15 oktabrda bo‘lib o‘tadi. Bu ikki sana o‘rtasida esa targ‘ibot ishlari o‘tkaziladi.
Қирғизистонда президентликка номзодини кўрсатмоқчи бўлганларни рўйхатга олиш, уларни қирғиз тили имтиҳонидан ўтказиш жараёни якунланиб, номзод сифатида рўйхатга олинганларга расмий гувоҳномалар берила бошланди. Номзодлар расмий рўйхати 10 сентябрда эълон қилинади. Қирғизистонда президентлик сайлови 15 октябрда бўлиб ўтади. Бу икки сана ўртасида эса тарғибот ишлари ўтказилади.
Барселона полициясининг хабар беришича, 17 августда сайёҳларга гавжум Лас Рамблас минтақасида юк машинасининг оломон устига юриши натижасида камида 13 киши ҳалок бўлди ва 50 ортиқ киши жароҳат олди. Испания полицияси террорчиликни уюштирганликда гумонланган 4 одамни отиб ўлдирди, бир одамнии яралади ва икки шахсни қўлга олди. Сўнгги бир йил ичида Европанинг турли шаҳарларида содир этилган бу каби ҳужумларда юз нафардан кўпроқ одам ҳалок бўлди.
O‘zbekiston bosh vaziri Abdulla Aripovning Bishkekka safari doirasida o‘zbek-qirg‘iz chegarasining 1170 kilometri aniqlanib bo‘linganini tasdiqlash to‘g‘risidagi oraliq bitim imzolandi. 7 yil davomida olib borilgan muzokaralar natijasi o‘laroq mazkur bitimning qabul qilinishini hukumat rahbarlari tarixiy voqea sifatida baholadilar.
Давомини ўқинг
