Озодликка Дубай¸ Ҳиндистон¸ Хитой¸ Малайзия¸ Туркия ва Россияда фоҳишалик қилаëтган ўзбек қизлари тез-тез мурожаат қилиб туради.
Уларнинг айримлари бу қадим касбга оиласини боқиш илинжида билиб кирганини айтса¸ айримлари¸ турли алдовлар билан фоҳишаликка мажбурлангани¸ бу ботқоққа киргач¸ ундан чиқиб кета олмаëтганини ҳикоя қилади.
Бу қизларнинг кўпи Озодликка баъзан шунчаки дилидагиларни тўкиш¸ баъзан эса маслаҳат сўраш илинжида боғланади. Улардан айримларигина эса¸ ўз ҳаëти ҳикоясини жамоатчиликка очиқлашни ва шу орқали бошқа қизларни одам савдоси билан шуғулланаëтган қудратли гуруҳлар қўлида ўйинчоқ бўлиб қолмасликдан огоҳлантириш ниятини билдиради.
26 май куни Озодликка Москвадан боғланган ëш аëл (исмини шартли равишда Роҳила деб атадик – таҳр.)¸ ўз қариндоши орқали Москвадаги ўзбек “Мама Роза”сига ем қилингани¸ гарчи тақдир тақозоси билан бу гуруҳ қўлидан бир ой ўтар-ўтмас чиқиб кетишга муваффақ бўлган эса-да¸ тақдири синганини ҳикоя қилди.
“Менинг ҳам бу дунë¸ ҳам у дунë ҳаëтимни ўтда ëққанлар¸ бугун ҳам айни ишни айни жойда давом эттираяптилар. Менинг каби содда ўзбек қизлари уларнинг жирканч “бизнес”ига қурбон бўлишда давом этмоқдалар. Озодлик орқали ўз тақдиримни гапириб бермоқчиман¸ зора буни эшитганлар сал ҳушëр тортса"¸ дейди Озодликка Москвага иш излаб келиш “саргузаштлари” ўзини қай кўча ва қай одамларга элтганини очиқ гапириб беришга қарор қилган 23 яшар Роҳила.
Озодликка Россиядан кунига сим қоқадиган ўнлаб ўзбекистонлик йигитлар¸ “бу ердаги ўзбек қизларининг ҳаммаси фоҳиша¸ уларни у қилиш керак¸ бу қилиш керак” деган қабилда дийдиë қиладилар; Россияда юрган ўзбек қизлари елкасига жуда оғир айбларни қўядилар.
Айни пайтда Роҳиланинг самимий иқроридан¸ Россияда кенгайиб бораëтган ўзбек фоҳишалари бозоридаги асосий харидор¸ айнан ана шу шикоятчи ўзбек меҳнат муҳожирлари экани очиқланади.
Роҳила ҳикоя қилган воқеалар 2014 йилнинг охирларида рўй берган. Ҳозирда ҳаëтининг ушбу қоронғу ва оғриқли давридан яхши хабардор ва уни қабул қилган ўзбекистонлик йигит билан никоҳдан ўтиб¸ бирга яшамоқда.
"Эрим ҳам¸ мен ҳам ҳозир Россияда ишлаяпмиз¸ у қурилишда ишлайди¸ мен фаррошлик қиламан¸ фарзандим ота-онамда қолган. Эрим ўтмишимдаги бу бир ойлик даҳшатни юзимга солмасликни ваъда қилган. Лекин барибир жаҳли чиққанда¸ оғзидан таъна ва ҳақорат чиқиб кетади. Бу бир ой менинг бутун ҳаëтимни заҳарлади"¸ дейди Роҳила.
Роҳила билан суҳбатни қуйида тўлиқ тинглашингиз мумкин.
