емайл: bekievam@rferl.org Facebook: @Mehribon.Bekieva
Sharof Rashidovning 100 yillik yubileyi oldidan jizzaxliklar uylarining shiferlarini tunukaga almashtirib, uni qizilga bo‘yashga majburlandi. Belgiyadan keltirib, ko‘chalarga o‘tqazilgan gul va daraxtlar quriy boshlagach, ko‘chatlarning har biriga bittadan odam biriktirildi.
Шароф Рашидовнинг 100 йиллик юбилейи олдидан жиззахликлар уйларининг шиферларини тунукага алмаштириб, уни қизилга бўяшга мажбурланди. Бельгиядан келтириб, кўчаларга ўтқазилган гул ва дарахтлар қурий бошлагач, кўчатларнинг ҳар бирига биттадан одам бириктирилди.
Nyu-Yorkdagi hujumda ayblanib o‘zbekistonlik 29 yashar Sayfullo Soipov hibsga olindi. Bir hafta avval Nyu-Yorkda Abdurasul Jo‘raboev IShIDga moddiy yordam berganlikda ayblanib, 15 yilga qamaldi. So‘nggi besh yil ichida AQShda jami o‘nga yaqin o‘zbekistonlik terrorchilikda ayblanib ushlandi. Joriy yilda dunyoni larzaga keltirgan uchta terror huruji - Stokholm, Istanbul va Peterburgdagi hujumlarda ham o‘zbeklar ayblandi. O‘zbeklar tomonidan sodir etilgan hujumlarda jami 68 kishi halok bo‘lgan.
Нью-Йоркдаги ҳужумда айбланиб ўзбекистонлик 29 яшар Сайфулло Соипов ҳибсга олинди. Бир ҳафта аввал Нью-Йоркда Абдурасул Жўрабоев ИШИДга моддий ёрдам берганликда айбланиб, 15 йилга қамалди. Сўнгги беш йил ичида АҚШда жами ўнга яқин ўзбекистонлик террорчиликда айбланиб ушланди. Жорий йилда дунёни ларзага келтирган учта террор ҳуружи - Стокҳолм, Истанбул ва Петербургдаги ҳужумларда ҳам ўзбеклар айбланди. Ўзбеклар томонидан содир этилган ҳужумларда жами 68 киши ҳалок бўлган.
Shirkat mutaxassislariga ko‘ra, zavod keyingi qariyb ikki oy davomida zarariga ishlayapti. Zavodning og‘ir ahvolga tushib qolishi o‘zbek so‘mining keskin devalvatsiyasi oqibati ekanligi aytildi. Korxona mulozimining Ozodlikka aytishicha, so‘nggi qariyb ikki oy ichida zavod ko‘rgan zarar taxminan 17 million 200 ming AQSh dollarini tashkil qilgan.
Ширкат мутахассисларига кўра, завод кейинги қарийб икки ой давомида зарарига ишлаяпти. Заводнинг оғир аҳволга тушиб қолиши ўзбек сўмининг кескин девальвацияси оқибати эканлиги айтилди. Корхона мулозимининг Озодликка айтишича, сўнгги қарийб икки ой ичида завод кўрган зарар тахминан 17 миллион 200 минг АҚШ долларини ташкил қилган.
21-22 oktabrda Sariosiyo tumanida bir necha dehqonning yeryong‘oq hosillari majburiy ijro byurosi xodimlari tomonidan tortib olindi. Denov tumanida esa hosilini yig‘ishtirib olgan dehqonlardan pul talab qilinmoqda. Ozodlikda yoritilgani va bloger maqolalari ortidan o‘tgan hafta oxirida dehqonlar hosilini tortib olish to‘xtagan edi.
21-22 октябрда Сариосиё туманида бир неча деҳқоннинг ерёнғоқ ҳосиллари мажбурий ижро бюроси ходимлари томонидан тортиб олинди. Денов туманида эса ҳосилини йиғиштириб олган деҳқонлардан пул талаб қилинмоқда. Озодликда ёритилгани ва блогер мақолалари ортидан ўтган ҳафта охирида деҳқонлар ҳосилини тортиб олиш тўхтаган эди.
Jizzax viloyat, G‘allaorol tumani Lalmikor sanoat kolleji o‘quvchisi Abduvakil Turdimurodovni kaltaklaganlikda ayblangan o‘qituvchi Behzod Ubaydullaevning ishi mahkamaga oshirildi. Abduvakilning Ozodlikka aytishicha, o‘qituvchisi uni ayovsiz kaltaklagani oqibatida 9 kun kasalxonada davolanib chiqqan.
Жиззах вилоят, Ғаллаорол тумани Лалмикор саноат коллежи ўқувчиси Абдувакил Турдимуродовни калтаклаганликда айбланган ўқитувчи Беҳзод Убайдуллаевнинг иши маҳкамага оширилди. Абдувакилнинг Озодликка айтишича, ўқитувчиси уни аёвсиз калтаклагани оқибатида 9 кун касалхонада даволаниб чиққан.
Shveysariyada yashovchi asli o‘zbekistonlik Bashorat Eshova prezident Mirziyoevning virtual qabulxonasiga murojaat qilib, “qamoqxonada o‘ldi” deyilgan o‘g‘linining tirikligiga ishonishini aytib, uni topishga ko‘mak istagan hamda o‘zini “qora ro‘yxat”dan chiqarishni so‘ragan.
Швейцарияда яшовчи асли ўзбекистонлик Башорат Эшова президент Мирзиёевнинг виртуал қабулхонасига мурожаат қилиб, “қамоқхонада ўлди” дейилган ўғлинининг тириклигига ишонишини айтиб, уни топишга кўмак истаган ҳамда ўзини “қора рўйхат”дан чиқаришни сўраган.
Toshkent yuridik kolleji o‘quvchisi Saidkamron Saidvohidov ikki kursdoshini pichoqlaganlikda ayblanib hibsga olindi. Pichoqlangan o‘quvchilardan biri olamdan o‘tgan, ikkinchisi shifoxonada davolanmoqda. Voqea joyidan qochib, yashiringan Saidvohidov voqea sodir bo‘lgan kuniyoq qo‘lga olingan va o‘z joniga qasd qilishga uringan.
Тошкент юридик коллежи ўқувчиси Саидкамрон Саидвоҳидов икки курсдошини пичоқлаганликда айбланиб ҳибсга олинди. Пичоқланган ўқувчилардан бири оламдан ўтган, иккинчиси шифохонада даволанмоқда. Воқеа жойидан қочиб, яширинган Саидвоҳидов воқеа содир бўлган куниёқ қўлга олинган ва ўз жонига қасд қилишга уринган.
Turkiyadagi muhojiratdan vataniga qaytgach Toshkent aeroportida ushlanib, to‘rt kun avval Toshturmaga qamalgan yozuvchi Nurullo Otaxonovni ikkita advokat o‘z himoyasiga oldi. Bu haqda Ozodlikka ma’lum qilgan yozuvchining o‘g‘li Fayzullaxon Otaxonov otasi Yozuvchilar uyushmasidan hibs arafasida chiqarilganini ham iddao qilib, buni “o‘zbek ziyolilarining xiyonati” deya atadi.
Туркиядаги муҳожиратдан ватанига қайтгач Тошкент аэропортида ушланиб, тўрт кун аввал Тоштурмага қамалган ёзувчи Нурулло Отахоновни иккита адвокат ўз ҳимоясига олди. Бу ҳақда Озодликка маълум қилган ёзувчининг ўғли Файзуллахон Отахонов отаси Ёзувчилар уюшмасидан ҳибс арафасида чиқарилганини ҳам иддао қилиб, буни “ўзбек зиёлиларининг хиёнати” дея атади.
Uyini buzishga kelgan hokimlik vakillariga norozilik sifatida o‘ziga o‘t qo‘yib, tomdan sakragan va olgan jarohatlari sabab shifoxonada davolatayotgan Ahmad Niyozimbetov kasalxonadan haydab chiqarildi. Ahmadning Ozodlikka aytishicha, To‘rtko‘l tuman prokuraturasi vakillari shifoxona rahbariyatidan uni chiqarib yuborishni talab qilgan.
Уйини бузишга келган ҳокимлик вакилларига норозилик сифатида ўзига ўт қўйиб, томдан сакраган ва олган жароҳатлари сабаб шифохонада даволатаётган Аҳмад Ниёзимбетов касалхонадан ҳайдаб чиқарилди. Аҳмаднинг Озодликка айтишича, Тўрткўл туман прокуратураси вакиллари шифохона раҳбариятидан уни чиқариб юборишни талаб қилган.
Qashqadaryo viloyat, Qarshi tuman, Pistakent qishlog‘ida yashovchi 28 yashar Lobar Ashurova paxta dalasida "ichki qon ketishi oqibatida" olamdan o‘tdi. Bu fojia Lobar Qashqadaryo viloyat sil kasalliklari shifoxonasida sanitar bo‘lib ishlaydigan onasining o‘rniga paxta terimiga chiqqan paytda sodir bo‘lgan.
Қашқадарё вилоят, Қарши туман, Пистакент қишлоғида яшовчи 28 яшар Лобар Ашурова пахта даласида "ички қон кетиши оқибатида" оламдан ўтди. Бу фожиа Лобар Қашқадарё вилоят сил касалликлари шифохонасида санитар бўлиб ишлайдиган онасининг ўрнига пахта теримига чиққан пайтда содир бўлган.
Давомини ўқинг
