Пахта-2017

Пахта-2017: Пахта ҳашарини уюштириш ëшиттифоқчи ва ... имомларга юклатилди

Андижон вилоят ҳокими 16 сентябрь, шанба куни кечқурун ўтказган селектор йиғилишида ҳар бир имомга намозхонлар ва маҳалла аҳлидан 10-15 кишилик теримчилар гуруҳи тузиш вазифаси юклатилди.Чинозлик мактаб директорининг айтишича, ҳашарчиларни уюштириш билан Ёшлар иттифоқининг мактабдаги вакили шуғулланмоқда.

Мактаб, коллеж, лицей, боғча ишчилари ёппасига пахтага чиқарилди (ФОТО)

Жиззах, Самарқанд, Қашқадарё, Андижон, Тошкент вилоятларида мактаб, коллеж, лицей ўқитувчилари, боғча тарбиячиларининг пахта теримига ётоққа жўнатилаётгани хабар қилинмоқда. Самарқанд ва Фарғона вилоятларидан Озодликка боғланган тадбиркорлар улардан 300-350 минг сўмдан пахта теримига, дея пул йиғилаётганидан арз қилди.

Ўзбекистонда пахта теримига чиқарилаётган 575 та "Фидойи ёшлар" отряди тузилди

"Фидоий ёшлар" отряди тузиш ташаббусини, Sputnik нашрининг хабар қилишича, Ўзбекистон Ёшлар Иттифоқи ташкилоти илгари сурган. Хабарда айтилишича, отряд сафига 50 мингдан ортиқ "уюшмаган ёшлар" бириктирилган ва улар шу кунгача 4 минг 700 тоннадан ортиқ пахтани териб улгурган.

Избоскан тумани пахта заводида ëнғин чиқди

Самарқанд ҳокими пахта далаларига советча Қизил байроқ ўрнатмоқда

Самарқанд вилоятидаги 7 та олий ўқув юрти талабалари ва ўқитувчиларини 15 сентябрдан бошлаб 5 кун ичида колонна қилиб пахтага юбориш тўғрисида вилоят ҳокими топшириқ берди. Бундан олдин вилоятдаги барча идора ва ташкиотлар пахтага чиқарилган эди. Пахта штабидаги фаоллар ҳар бир теримчидан “Ўз ихтиëрим билан пахтага чиқдим”, деган мазмунда тилхат олмоқда.​ Вилоят ҳокими пахтаси терилган дала майдонларига қизил байроқ ўрнаттирмоқда.

Ҳукумат ваъдасига қарамасдан талабалар пахтага сафарбар қилинмоқда

11 сентябрдан бошлаб Ўзбекистоннинг айрим олийгоҳлари талабаларни пахта теримига жўнатишни бошлади. Ҳукуматнинг жорий йилда пахта терими мажбурийлик кўринишида бўлмаслик ҳақидаги ваъдасига қарамасдан деярли барча олийгоҳлар талабаларига 15 сентябрдан оммавий сафарбарлик бошланиши айтилган.

Ўзбекистон келаси йилда пахта экилган майдонларни 100 минг гектарга қисқартирмоқчи

Ўзбекистон жанубида оммавий пахта терими бошланди

Ўзбекистоннинг жанубий вилоятларида оммавий пахта теримига киришилди. Мамлакатнинг шимолий вилоятларида эса пахта кеч очилгани сабаб, оммавий терим 10 сентябрдан бошланиши айтилмоқда. Озодликнинг айрим туманлардан олган хабарига кўра, ҳокимлар пахта теримига бюджет ташкилотлари ишчиларини мажбуран жалб этишга киришган. Вилоятдаги олийгоҳлар талабалари ҳам ҳар эҳтимолга қарши тайёр бўлиб туриш ҳақида огоҳлантирилган.

Тадбиркорлардан пахта теримида қатнашиш учун тилхат ёздириб олиняпти

Тошкент вилояти Бекобод шаҳридаги тадбиркорлардан пахта теримида иштирок этиш мажбурияти битилган тилхат ёздириб олиняпти. Бу ҳақда хабар берган тадбиркорларнинг айтишларича, улар пахта теримига ўзлари ёки ўрнига мардикор ёллаб чиқариши керак. Айни пайтда, вилоятнинг Ангрен шаҳридаги боғча ва мактаблар тарбиячи ва ўқитувчилари ҳам пахта териш учун ўрнига одам топиш ҳақида огоҳлантирилган.

Ўқитувчилар пахта теримига “ҳар ҳолда” тайёр туриши ҳақида огоҳлантирилди

Ўзбекистон Бандлик ва меҳнат муносабатлари вазирлиги ва вилоят ҳокимларининг бу йил ўқитувчи ва шифокорлар пахта теримига чиқарилмайди, деган баёнотидан сўнг ҳам жойларда ўқитувчиларни “ҳар эҳтимолга қарши” теримга чиқиш ёки ўрнига одам топишга тайёр туриши ҳақида маҳаллий раҳбарларнинг огоҳлантираётгани ҳақидаги хабарлар Озодликка бот-бот келмоқда. Баъзи ҳудудларда ўқитувчиларнинг “ўз ихтиёрлари” билан теримга чиқиш “ташаббуси” тайёрланаётгани айтилади.

Вазирлар Маҳкамаси ўқитувчи ва врачларни пахтага чиқаришни тақиқлади(ми?)

Ўзбекистон Бандлик ва меҳнат муносабатлари вазирлиги расмий сайтида эълон қилинган хабарга кўра, вазир муовини Эркин Муҳитдинов АҚШ Сенати халқаро алоқалар бўйича қўмитаси ҳайъати аъзолари билан учрашув чоғида мажбурий меҳнатни тақиқлаш юзасидан Вазирлар Маҳкамасининг 8 август кунги баённома қарори имзоланганини айтган.